كشفت هاجر رمضان، تفاصيل فوزها بالمركز الأول عالميًا في كرة السرعة، قائلة: "بدأت ممارسة الرياضة منذ أن كان عمري 5 سنوات، وكنت أمارس أكثر من لعبة وبدأت الاهتمام بلعبة كرة السرعة وتحسين مستواي فيها منذ أن كان عمري 8 سنوات"، مضيفة: "كنت معدية من قدام الملعب وعجبني شكل اللعبة واللاعبين وقلت أجرب".
وأضافت "رمضان" في حوارها لبرنامج "صباح الخير يا مصر" على فضائية "مصر الأولى" اليوم الثلاثاء: "لما جربت اللعبة ولعبتها عرفت أنها لعبة مصرية ودا خلاني عايزة أكمل في اللعبة دي أكتر وكنت بشوف أبطال عالم في النادي معايا وفي البطولات من نوادي تانية ودا خلاني عايزة أكمل في اللعبة دي".
وتابعت: "محدش شجعنى على أني ألعب الرياضة دي ولكني كنت أمارس أكثر من رياضة بس أنا لما شفت أبطال عالم قدامي كان شيء كبير بالنسبة لي زي سلمى بسام وحازم ياسر وأبطال كتير كنت بشوفهم في الملعب قدامي ودا خلى الموضوع بالنسبة لي أني عايزة أكون زيهم، والناس اللي دعموني وشجعوني في بداية مسيرتي هم والدي ووالدتي ومدربيني زي الكابتن أحمد الأمير وكابتن أحمد صبحي المدرب البدني".
