عبرت الفنانة منة جلال عن رأيها في فيلم "ريش" الذي عرض مؤخرا في مهرجان الجونة السينمائي.
وقالت "منة" بعد أن شاهدت نسخة مسربة من فيلم "ريش" عبر موقع التواصل الاجتماعي "فيس بوك":"فيلم ريش اتسرب من شوية علي الفيس بوك و اتفرجت عليه اولا فيلم لازم يدخلك في مود الاكتئاب النفسي والعصبي ودي نوعية من الافلام مش اي حد يحب يتفرج عليها لانه قاسي جدا و بعدين الفيلم مدته ساعتين كتير جدا".
وتابعت "منة":" لان الفيلم حالة فكان ممكن يبقي اقل من كدة بكتير طبعا نوعية الافلام دي بتنجح برة وبتدخل مهرجانات عشان برة خصوصا كان بيحبو نوعية الافلام دي".
واختتمت منة جلال حديثها وقالت":" بس انا سؤالي للمخرج عن مشهد محتاجة تفسيرة إن الفرخة قاعدة علي السرير اللي هو المفروض ينامو عليه والبطلة حاطة الاكل و المياه علي السرير والمرتبة كلها متقطعة والمشهد دة بعد ظهور جوزها انا كملت الفيلم للاخر عشان اشوف مدي اكتئابي هيوصل لفين وفي اخر الفيلم البطلة خنقت جوزها بالمخدة و موتته وقعدت تاكل هي وولادها شكرا".
يذكر أن فيلم "ريش" للمخرج المصري عمر الزهيري فاز بالجائزة الكبرى لمسابقة أسبوع النقاد الدولي في الدورة الرابعة والسبعين لمهرجان كان السينمائي بفرنسا.
الفيلم إنتاج مصري فرنسي هولندي يوناني مشترك، ويمزج بين الواقع والفانتازيا، إذ يتناول قصة أب يقرر إقامة عيد ميلاد ابنه الأكبر فيحضر ساحرا لتقديم بعض الفقرات المسلية للأطفال، وفي إحدى الفقرات يدخل الأب في صندوق خشبي ليتحول إلى دجاجة ومع محاولة الساحر إعادته مرة أخرى تفشل الخدعة ويبقى الأب في هيئة دجاجة.
