كشف الدكتور عمرو خيري، رئيس قسم العظام بطب عين شمس تفاصيل جديدة حول واقعة إجباره للممرض على الاعتذار والسجود للكلب داخل العيادة.
وقدم “خيري ”، في مداحلة هاتفية لبرنامج “الحكاية ”، علي فضائية إم بي سي مصر "، تقديم الإعلامي عمرو أديب، مساء اليوم، السبت الاعتذار للممرض صاحب واقعة الفيديو قائلا: أنا أسف ياعادل ومتزعلش مني وحقك عليا مردفا أن الناس لما كانت تسـأل عادل عليا كان بيقول الدكتور عمرو دا أبويا الروحي نافيا أن يكون قد هدد الممرض بالتعرض للكهرباء.
وتابع "رئيس قسم العظام بطب عين شمس "، أنا هعتذر لعادل شخصيا وأيضا للمجتمع كله بسبب الموقف اللي حصل متابعا أن الممرض دا اخويا وإحنا بنهذر مع بعض في العيادة كلنا وكمان في دكاترة تاني نطت الحبل وموجودة في الفيديو وهطيب خاطره وهعتذر لأهل بلده كلهم .
وحول واقعة إجبار الممرض على السجود للكلب قال الدكتور عمرو خيري أن الجزء بتاع اسجد لكلبي قائلا هو كان في كلب أصلا علشان يسجدله منكرا تواجد الكلب داخل العيادة قائلا إن لفظ السجود للكلب خارج عن السياق ولا أقبله تماما مشيرا إلى أن أي اشخص لما بيهزروا مع بعض في غرف مغلقة بتحصل حاجات مينفعش تتنشر أو تخرج برة معلقا أن الممرض كلمني وقلتله متقلقش إن شاء الله دي موجة وهتعدي.
وقال الدكتور عمرو خيري عن واقعة تسريب الفيديو أن هناك قرصنة للواتس اب الخاص بيا وتعرضت للابتزاز المالي والنفسي، مردفا أن الفيديو سرب غصب عني ومكنش مقصود وأساء لي ولأسرتي والناس شتمتنا وكفرتنا بسبب اللي حصل والناس اخدت موضوع الفيديو في سياق آخر قائلا إن علاقتة بالممرض عادل تخطت الـ 25 سنة وأن علاقته به طيبة للغاية وكان دراعي اليمين وإحنا بنهزر كتير في المستشفى وبنتصور وفي الآخر بنمسح الحاجات دي ومش بنسمح بنشرها أصلا ولو كان الممرض شاف معاملة وحشة مني كان ساب العيادة وراح اشتغل في أي مكان تاني.
وتابع "خيري " كان هناك معاملة محترمة للممرض عادل طيلة عمله معايا وإحنا بطبيعة عملنا في عمليات بتبقى شاقة وضغط شغل وفي نفس الوقت بيكون في جانب من الهزار مع بعضنا حتى نخرج من جو الشغل وضغط العمل الزائد.
وحول طريقة هزاره مع الممرض قال طبعا الهزار غريب ومقدرش أنكر وفي الآخر إحنا كلنا مع بعض في الشغل معترفا بأن كل التصرفات اللي موجودة في الفيديو حصلت وهو عبارة عن هزار ومزاح مع الممرض والدكاترة واصفا بأن طاقم التمريض دا ضهرنا وأساسي في أي عمليات ومن غيرهم ميبقاش في نحاج بالشكل المطلوب على الإطلاق.
