روَّج الفنان الكبير محمد هنيدي لمشاهدة فيلمه الجديد «الإنس والنمس» المشارك في دور العرض السينمائية بطريقة ساخرة.
ونشر "هنيدي" تدوينة عبر حسابه الشخصي على موقع "فيس بوك" كتب فيها :"سبعة أسباب تخليك تشوف فيلم الإنس والنمس.. لو نجحت وجبت مجموع فتكون فرصة تحتفل.. لو سقطت أو مجبتش مجموع فتكون فرصة تخفف عن نفسك".
وأضاف: "لو عندك مدير مزهقك او شغل تعبك ففي دراسة بلجيكية حديثة أثبتت أن الفرجة على أفلام هنيدي بتحسن المزاج، وبتخليك تفكر أحسن إزاي تطفش المدير.. لو جعان ففيه فشار في السينما ممكن يشبعك ومن غير سعرات حرارية تتخنك ولو عايز تتخن اضرب معاه بيبسي .. ولو عايز تخس بس بتحب البيبسي .. عندهم برده بيبسي دايت".
واستكمل: "أن الناس بتشكر في الفيلم وفرصة تشوفه في السينما عشان ما تحسش أنك غريب ومضطهد في المجتمع… أن الفيلم صفعة على وجه هوليوود وبوليوود والصين أننا قادمون وهنعمل أفلام تمحو تاريخكم وماضيكم ومستقبلكم وحاضركم والمضارع والمضاف إليه".
واستردف: "أن الفيلم هيديك طاقة روحية هتوصلك لمكنون جوهرك وذاتك اللي بتبحث عنها من أيام ما كنت جنين.. أن الحياة ما بتقفش على حد، فلو سينجل أو ما عندكش صحاب .. ممكن تروح تشوفه عادي وتنبسط".
