تفحص الأجهزة الأمنية بالقاهرة منشور متداول لواقعة تعدي بالضرب على طفل معاق ذهنيا داخل سيارة ملاكى أعلى الطريق الدائري بالتجمع.
وتداول نشطاء مواقع التواصل الاجتماعي "فيس بوك"بكثافة منشور لسيدة تدعي يسرا كتبت فيه " انا مش عارفه اكتب فين وعلى انهي جروب والا اعمل ايه انا متلخبطة، من ساعه ما شوفت العربيه دي الصبح على الدائري ناحيه التجمع والسواق اللي فيها بيضرب ولد ذوي احتياجات خاصه (معاق ذهنيا وجسمانيا) راكب معاه في العربيه وانا هتجنن .
وأضافت في المنشور:" قعدت ازنق عليه بالعربية واضرب كلاكسات كتير ولقيت عربيه تانيه فيها راجل محترم شاف نفس المنظر اللي انا شوفته كسر عليه بالعربيه وفتح الشباك وزعق قاله انت بتضربه ليه وانت تقربله ليه والراجل اتوتر وقاله مضربتوش".
وتابعت:" المنظر كان صعب وهو سايق بيلف يضربه جامد وحبيبي غلبان قاعد ورا لا حول له ولا قوه، يارب اهل الولد يشوفوا البوست ورقم العربيه اللي معرفتش اعمل حاجه غير اني اصورها .
واستكملت: " ارحموا ولادكم من السواقين وبالذات لو طفل ذوي احتياجات خاصه ارجوكم انا قلبي اتقطع من اللي شوفته، حسبي الله ونعم الوكيل في كل بني ادم يمد ايده او يأذي ملاك زي ده."
