كشف وائل عبدالعزيز، شقيق الفنانة ياسمين عبدالعزيز، تفاصيل حالة ياسمين عبدالعزيز الصحية، مشيرا إلى أن حالة شقيقته مستقرة، والأطباء أكدوا أنها ستغادر المستشفى إلى منزلها خلال 10 أيام.
وأشار "عبدالعزيز"، خلال اتصال هاتفي ببرنامج "الحكاية" المذاع عبر فضائية "إم بي سي مصر"، مساء السبت، إلى أن ياسمين حالتها أفضل ولكنها مازالت مريضة، وتحتاج لدعاء محبيها، نافيا ما تردد عن دخول ياسمين في غيبوبة، مضيفا: "أجرت عمليتين جراحيتين والموضوع مؤلم".
وعن الخطأ الطبي، عقب، "مقدرش أقول.. واللي يهمني أنها تطلع من المستشفى.. إحنا إخوات، ومفيش بينا أي خلافات، الموضوع كبر زيادة عن اللزوم وفي الاخر احنا اخوات، أنا كنت معاها في المستشفى، وبنتناوب في المكوث معها"، لافتا إلى أنه ممنوع عنها الزيارة.
وفي وقت سابق طمأن الفنان وائل عبد العزيز الجمهور على حالة شقيقته الفنانة ياسمين عبد العزيز التي تتواجد حاليا في المستشفى.
وقال "وائل" عبر حسابه على موقع التواصل الاجتماعي "فيس بوك":"انا عايز اشكر كل الجمهور الكبير ده من مصر والوطن العربي علي اهتمامهم وحبهم لياسمين ودعاهم في أيام مفترجه وعايز اشكر كل نجوم وكبار رجال الدوله في مصر والوطن العربي الي اتصلت أو جت حقيقي حب كبير لبنتي واختي، ياسمين الحمد لله حالتها مستقره وان شاء الله خروجها عن قريب".
بينما قال الفنان أحمد العوضي زوج ياسمين في بداية فترة مرضها عبر "فيس بوك":"يمكن ببان قدامكم دايما قوي.. لكن الحقيقه انا دلوقتي اضعف انسان علي وجه الارض عشان انا روحي مش معايا، انا ضعيف جدا من غيرك انتي لازم تبقي كويسه ولازم تقومي بالسلامه".
وتابع "أحمد": " انا لاول مره اكتب من غير ما اكون مفكر انا بكتب ايه وهكتب ايه، بس انتي هتقومي ان شاء الله باذن الله عشان انتي وعداني وعد وهتتفذيه، انا عاوزك تبقي كويسه وتقومي عشان اقولك اني لو كنت ببينلك اني بحبك مره فالحقيقي واللي جوايا اني بحبك الف مره، وانا دلوقتي مش قوي زي ما انتي بتشوفيني انا دلوقتي ضعيف ضعيف جدا، لحد ما تقوميلي تاني عشان زي ما انتي بتاخدي قوتك مني انا كمان باخد قوتي منك".
واختتم "العوضي" حديثه قائلا:"قومي عشان انا بحبك، بحبك اكتر بكتيير من كل الكلام اللي انا كتبته.. اكتر بكتير من كل اللي عدينا بيه مع بعض من ايام حلوه ومواقف صعبه مرت علينا، اكتر بكتير حتي من الموقف اللي احنا فيه دلوقتي، انا بحبك، ادعولها تقوم بالسلامه زي ما انتو دايما بتدعولها بالنجاح والتوفيق هي دلوقتي محتاجه دعواتكم
