كلمات مؤثرة كتبها الفنان احمد العوضي عن زوجته الفنانة ياسمين عبد العزيز، بعد دخولها غرفة العمليات منذ ساعات قليلة، وصف خلالها العوضي حبه، وارتباطه النفسي بزوجته، وقال على صفحته الرسمية بموقع التواصل الاجتماعي فيسبوك:"يمكن ببان قدامكم دايما قوي، لكن الحقيقه انا دلوقتي اضعف انسان علي وجه الارض عشان انا روحي مش معايا، انا ضعيف جدا من غيرك انتي لازم تبقي كويسه ولازم تقومي بالسلامة،، انا لاول مره اكتب من غير ما اكون مفكر انا بكتب ايه وهكتب ايه، بس انتي هتقومي ان شاء الله باذن الله عشان انتي وعداني وعد وهتتفذيه، انا عاوزك تبقي كويسة وتقومي عشان اقولك اني لو كنت ببينلك اني بحبك مرة فالحقيقي واللي جوايا اني بحبك الف مرة، وانا دلوقتي مش قوي زي ما انتي بتشوفيني انا دلوقتي ضعيف ضعيف جدا،لحد ما تقوميلي تاني عشان زي ما انتي بتاخدي قوتك مني انا كمان باخد قوتي منك ".
تابع العوضي:" قومي عشان انا بحبك... بحبك اكتر بكتيير من كل الكلام اللي انا كتبته.. اكتر بكتير من كل اللي عدينا بيه مع بعض من ايام حلوه ومواقف صعبه مرت علينا... اكتر بكتير حتي من الموقف اللي احنا فيه دلوقتي.. انا بحبك ".
وطالب جمهوره وجمهور زوجته بإلدعاء لها في اخر رسالته كاتبا:"ادعولها تقوم بالسلامه زي ما انتو دايما بتدعولها بالنجاح والتوفيق.. هي دلوقتي محتاجه دعواتكم ".
