أبدى الفنان محمد سراج تعجبه من المنشور الأخير للفنانة حلا شيحة الذي تتبرأ فيه من فيلم "مش أنا".
وقال "محمد" عبر حسابه على موقع التواصل الاجتماعي "فيس بوك":"استاذه حلا !! احساسك ايه دلوقتي ومحدش مصدقك وطبعا عارفه محدش مصدقك ليه ؟؟ كان اكرملك تتبرأي وتتوبي من الفيلم بينك وبين ربنا ،، بس واضح ان الخناقه بينك وبين جوزك كانت كبيره وده بيأكد ان البوست مش اعلان توبتك الي الله علي قد ماهو بصالحك ياجوزي ،، بين قوسين جوزك متجوزكيش وفاكرك مدرسه دراسات واتفاجئ بعد كده ،، انتي غريبه ومتناقضه جداا الفيلم بقاله ٣ اسابيع بنفس المشاهد اللي حضرتك صورتيها بإرادتك بين قوسين اصلا مشاهد مش اوفر ده مش عشانك عشان دي طبيعه تامر ف افلامه وكليباته مفيش مشاهد اوفر ،، بين قوسين برضه اللي واخده اجرك عليها ".
وتابع "سراج":"هل اللي صورت المشاهد دي عفريت سيادتك ؟؟ هل اكتشفتي امبارح بس بعد نزول الكليب انه انتي ؟؟ الكليب ماهو الا مشاهد مجمعه من الفيلم ،، مشفناش الحرقه دي والتوبه دي والكلام ف تقاصيل مشاهد مضايقاكي ف افلامك اللي فاتت اللي بتتعرض علي التلفزيون ،،، بتنصحي زمايلك ان الشهره عامياهم ،، علي اساس ان توبتك كل اتنين وخميس اللي بتنشريها علي السوشيال ميديا دي ايه ؟؟ مش شهره ؟؟؟ حضرتك زيك زي اللي بيتاجرو بالدين ،،، يحضرني مشهد اللي هو بيبقي ف الافلام ده ومكتوب وبعد مرور ٣ شهور …….. ؟؟؟؟ بتكون البطله اتطلقت ورجعت تاني وتمثيل تاني وتلبس تاني وتتصور تاني وتقول ظروف".
وكتبت حلا رسالة مطولة على صفحتها الرسمية بموقع الصور والفيديوهات إنستجرام قالت خلالها: "اتفاجئت جدا بنزول كليب يجمع فيه مشاهد متفرقة من الفيلم وخصوصا بعد آخر بوست نزلته ووضحت فيه أنا إيه ، واتفاجئت أكتر خصوصا بعد وعد تامر حسني ليا وتأكيده إنه هیحترم رغبتي وبعض الطلبات اللي طلبتها منه بكل احترام وود الصيف اللي فات وأکدلي إنه هيحترم رغبتي".
وتابعت حلا: "إحنا يمكن نجحنا بمقاييس الدنيا بس صدقوني بمقایيس ربنا إحنا لم ولن ننجح أنا عارفة ومتأكدة إن زملائي جواهم خير بس للأسف فتنة الشهرة والنجاح مش بتخلينا نشوف ونقيس الأمور صح بتكلم من قلبي الكليب ده ميرضيش ربنا وأنا عيطت لإني شفت نفسي في المشاهد دي".
وأضافت: "دي كانت زلة نتيجة ظروف مريت بيها وكلنا بنغلط ولازم نغلط علشان إحنا بشر بس المصيبة إننا بنغفل وبننسی".
واستكملت: "أنا مش هتكسف من حد أنا تبت من المشاهد دي وهي لا تصح وأنا غلطت وبصلح وأهم حاجة إن ربنا يرضى عني لأن في الآخر ده اللي هينفعنا مش الشهرة ولا النجاح لا هو مش نجاح أصلا علشان النجاح الحقيقي حاجة تانية خالص إحنا أغلبنا ناسينها إلا القليلين منا الفن لو بيخلينا نبعد عن منهج ربنا ومنبقاش قدوة لولادنا يبقي باطل وميبقاش فن".
وتابعت: "إحنا كلنا عندنا امتحان في الدنيا دي وحابة أفكرك بالفيديو ده یا تامر اللي قولت فيه أنا مش بتمنى أموت وأنا مطرب أنا دايما خايف کده، كلام أكيد قولته في لحظة صدق جواك وجوانا كلنا من شوفه تاني يمكن يفكرك أن جواك اكيد في صراع وأنا وكلنا كلنا بنغلط بس المهم في الآخر نتدارك الغلط ونصلح .{إلا من تاب وآمن وعمل عملا صلحا أوللېك يبدل الله سيئاتهم حسن وكان الله غفورا رحيما.. الله على كلام الله وجماله يا سلام لو أصواتنا ومواهبنا كلها نستعملها في الخير عشان يبقى فن بجد".
فيلم مش انا حقق إيرادات قياسية بالسينمات داخل وخارج مصر ، وكان قد طرحه صناعه قبل شهر تقريبا ، ويلعب بطولته تامر حسني وحلا شيحة وماجد الكدواني وسوسن بدر.
