قال الكابتن حازم إمام، أثناء حديثه عن والدته التي حلت ضيفة ببرنامج "الستات مايعرفوش يكدبوا" للترويج عن كتابها "إمبراطورية إمام الكروية": "قبل الجواز كنت اهتمامها بى فى المذاكرة لأنها كانت عندها أهم حاجة في الحياة".
وتابع "إمام" خلال مداخلة هاتفية بالبرنامج المذاع عبر فضائية "سي بي سي": "تعبت ماما لما كبرت متهيألي ومبقتش تحت أيدها.. بس بتزعل مني أما بتبقي عايزة حاجة وأنا أأجلها".
وأوضح الكابتن حازم إمام أنها تحب زوجته كثيرا، معقبا: "بتحبها أكتر مني.. وكانت بتخاف عليا كتير بسبب أن دماغي أتفتحت كتير.. وكنت في ماتش برا ومفيش فون وكانت قلقانة عليا جدا".
وأشار الكابتن حازم إمام : "قبل الجواز كنت بتعبها فى المذاكرة لأني كنت عندها أهم حاجة في الحياة.. وكنت بطلع التالت أو الرابع"، متابعا: "ماما مكنتش بتعمل ورق العنب بس هي بتحضر السفرة حلو".
وفي سياق متصل ، بكت الدكتورة ماجي الحلواني، والدة الكابتن حازم إمام، على الهواء لتأثرها بسيرة وفاة زوجها الكابتن حمادة إمام، قائلة: "بعد وفاته نفسي أتسدت ومش بقينا نتجمع في البيت.. أنا لغاية دلوقتي مبعرفش أنام لوحدي في البيت لحد الفجر".
وأضافت أنها مفتقدة حديثه وروحه، معقبة: "برتاح بس عند أشرف أو حازم علشان الأحفاد واللمة وحفيداتي بيناموا جمبي، ولكن فى بيتي بستتقل دمه".
