أنهت المحكمة الإدارية العليا، الخلاف القائم بين عدد من الأزواج بشأن احقية استخراج شهادة المولود، وأحقت بأن لا يجوز للزوج وأهله إهانة زوجته وحرمانها من حقها فى استخراج شهادة ميلاد المولود.
بعد صدور الحكم رصدت "البوابة نيوز" ردود أفعال المواطنين في الشارع، حيث لاقى الحكم جدل واسع بين مؤيد ومعارض وكانت الإجابات كالتالى:
أيدت (امرأة) الحكم وقالت: إحنا في الوقت الحالى منختلفش عن الرجالة كتير لما بتعوز نعمل حاجة بنعملها، ده بالإضافة إلى أن الستات بتعمل كل حاجة، أؤيد قرار المحكمة ولا يجوز للزوج وأهله إهانة زوجته وحرمانها من حقها فى استخراج شهادة ميلاد المولود.
فيما قال (الرجل): طبعا لا، إزاي الزوجة تسجل أسماء أبنائي، هما أولادي أنا وباسمى يبقى أنا اللي أسجلهم، لازم أبقى عارف اسم ابنى إيه مش هى تروح تسجل على مزاجها، وحتى لو مسافر يبقى حد من أهلي، مش خاله ولا خالته.
بينما أيدت (امرأة) الحكم قائلة: أنا شايفة أنها حاجة كويسة جدًا؛ لأن أبهات كتير بيكونوا مسافرين انا نفسى عشان أطلع بطاقة فضلت مستنية بابا عشان يضمنى وسعات الست بتبقى حامل وجوزها مسافر بره.
وفي نفس السياق قال (رجل): أنا موافق مفيش مشكلة بس أرفضه إمتى لو عمل مشاكل لو الناس استغلت الحاجات ديه فى حاجات مش كويسة لكن فى أسر كتير أزواجهم مسافرين فمحتاجين تسهيل للإجراءات.
وفي نفس الصدد قالت (امرأة): أنا موافقة لو مش هيؤثر على علاقة الزوج بزوجته وتحدث مشاكل، والحكم ده حصنتها ضد تعسف الزوج وهو ما يعد انتصاراً جديدًا للزوجة المصرية.
واخيرا أكد (رجل) أن القرار اتأخر كتير، ودي كانت عقبة كبيرة أن لازم الأب يروح يسجل المولود، وده بيبقي صعب خاصة لو الزوج مسافر فبيضطر يشوف أخوه يروح يسجل ابنه.
