عاقبت محكمة جنايات القاهرة، المنعقدة بالتجمع الخامس، برئاسة المستشار محمد أحمد الجندى، المتهمة حنين حسام، بالسجن 10 سنين، وغرامة 200 ألف جنيه في اتهامها بالاتجار في البشر.
وبالتزامن مع الحكم القضائي، تنشر البوابة نيوز نص التحقيقات مع الطالبة حنين حسام، حيث مثلت أمام النيابة العامة، الطالبة، حنين حسام عبد القادر محمد عبد الجليل، 20 سنة، طالبة بكلية الآثار جامعة القاهرة، وتقيم في 4 أ ش المقسي، منطقة الساحل، بمحافظة القاهرة، ووجهت النيابة أسئلتها للمتهمة على النحو التالي:-
* ما قولك فيما هو منسوب إليكي من إنك متهمة بالإعلان عن طريق حسابات على شبكة المعلومات دعوة تتضمن لفت الانظار إلى الدعارة على النحو المبين بالتحقيقات ؟
- الكلام دا محصلش.
* ما قولك فيم هو منسوب إليكي من إنك متهمة بالاعتداء على المبادئ والقيم الأسرية في المجتمع المصري بأن قمتي بإنشاء حسابات على شبكة المعلومات تتضمن الدعوة لعقد لقاءات مخلة بالآداب بين مشتركي تلك الحسابات ؟
- الكلام دا محصلش.
* ما قولك فيما هو منسوب إليكي من إنك متهمة بإنشاء وإدارة واستخدام حساب خاص على شبكة المعلومات يهدف إلى ارتكاب الجريمة موضوع الاتهامات السابقة ؟
- الكلام دا محصلش.
* ما الذي حدث إذا وما هي أوجه دفاعك ودفوعك ؟
- بداية الموضوع ان شركة "لايكي" أنا بشتغل معاها بقالي سنتين وفي بينا عقد إلكتروني مضمونه ان الشركة تطلب مني فيه ان انا اعمل عشرين فيديو في الشهر واشيره على تطبيق لايكي والفيديوهات بتبقي عبارة عن ان انا بغني على الاغنية عادي وبرفق الهاشتاج الخاص بلايكي في مقابل اني باخد 400 دولار وانا فعلا ملتزمة معاهم بكده بقالي سنتين باخد المبلغ ده ممكن يقل ممكن يكتر على حسب اختيارهم للفيديوهات وبعد كده طلب مني كلا من/ محمد علاء ومحمد زكي في 26/3/2020 وهما شغالين في شركة لايكي والقائمين على إدارة اني أعمل إعلان على الاستوري على الإنستجرام بتاعي أنزل فيه فيديو وأقول فيه اللي هما قالولي عليه بالظبط اني هما كانوا عايزين مجموعة من البنات عشان يشتغلوا مذيعات في شركة لايكي وانا في الفيديو ده كنت بتكلم على مضمونة في قمة الأدب والاستوري دا أصلا بتقعد على الحساب بتاعي لمدة 24 ساعة وبتختفي بس بتفضل في الأرشيف عندي وفي ناس كثيرة عندي عشان انا عندي متابعين كتير اقتصوا أجزاء من الفيديو وغير مكتملة واتفسرت بمحتوى وحش خارج عن الآداب ومش دا اللي انا قولته لو اتسمع كل الفيديو وانا فوجئت انه تم نشر ذلك المقطع وبخصوص الموضوع انا كنت بقول في الفيديو اني محتاجة بنات أكبر من 18 سنة عشان يكون معاها بطاقتها وتتوثق في الشغل في شركة لايكي وينزل لها الفلوس عن طريق حسابها في البنك لو ليها حساب أو البطاقة بتاعتها عن طريق البريد لو ملهاش حساب في البنك وانا مجرد بس اعمل الإعلان بس هي اللي كلفتني بيه شركة لايكي وميخصنيش حاجة تانية خالص بس أنا فاهمة الإجراءات اللي بيعملوها بعد كده بس انا دوري يقتصر على الإعلان بس والإجراءات ان البنت اللي عايزة تخش على لايكي تفتح لايف في ساعة إدارة لايكي هي اللي بتحددها عشان الإدارة هي اللي بتشوف وفي اللايف البنت بتقدم نفسها وبتعرفهم على موهبتها سواء بتغني أو بتطبخ أو بترسم أو متحاورة وفي اخر ساعة اللايف الإدارة بتقولها اتقبلتي أو اترفضتي ولو قبلت بتاخد البطاقة والاي دي بتاعها عشان تفعلها بعد كده بيدخلوها في جروب انا مش فيه يقولولهم فيه إدارة لايكي البنات اللي قبلت المفروض تعمل ايه هو اللي نفس كنت بشرحه في الاستوري.
* ما هي طبيعة واختصاصات شركة لايكي واين مقرها تحديدا ؟
- هي مقرها في الصين وهي شركة مختصة في الفيديوهات القصيرة بتخلي المشاهير تعملها مقابل مادي.
* ما هي كيفية تحرير العقد الإلكتروني بينك وبين شركة لايكي ؟
- هي مديرة شركة لايكي اسمها مارجن وهي صينية الجنسية تواصلت معايا على الإنستجرام ودخلتني في جروب اسمه لايكي وبعتت لي العقد الإلكتروني على ايميل الجروب مكتوب وناقص بس على الامضاء.
* هل تستطيعي الحصول على صورة من ذلك العقد اذا تم الدخول على حسابك على تطبيق الإنستجرام ؟
- هو ايميل على حساب الإنستجرام اللي كان موجود عليه صورة العقد الإلكتروني اتسرق من سنتين.
انفراد.. ننشر نص
* وهل قمت بتحرير محضر ؟
- ايوه بس مش فاكرة رقمه في مباحث الإنترنت وكنت متهمة فيه شادي أيمن صبري عبد النبي وده كان مجرد هاكر سرق الايميل بتاعي على الحساب ومليش أي علاقة بيه.
* وما الذي آل اليه ذلك المحضر ؟
- هو اتحفظ عشان اتصالحت فيه عشان هو لما سرق الايميل بتاعي بعت لي تهديد عشان عاوز فلوس واديته 5 الاف جنيه على حساب البنك بتاعه.
* وما الذي دعاك للتصالح ؟
- هم جم اهله واتحايلوا عليا وانا اتنازلت بعد ما اخدت منهم الفلوس.
* مطلوب منك تقديم صورة من العقد الإلكتروني بينك وبين شركة لايكي
- انا هتواصل معاهم وهحاول اجيبه
* ومن أطراف ذلك العقد ؟
- شركة لايكي وكان بيمثلها مارجن وانا
* وما المنفعة التي تكود على الشركة جراء ذلك ؟
- انا لما انزل فيديوهات على تطبيق لايكي ونسبة المشاهدة بتزيد يساعد على شهرتهم وبالتالي هم بيستفيدوا من شهرتهم دي بس هم أكيد بيستفيدوا فلوس.
* وما مضمون الفيديوهات التي تقومي بنشرها ؟
- هي الفيديوهات اني بغني على اغنية أو فيديوهات كوميدية أو تمثيلية وبيكون مدتها من 15
س. وما سبب تحويلهم تلك المبلغ
ج. عشان انا باعمل لهم فيديوهات خاصه باسم شركتهم ومجرد اني بس بغني ورا الأغنية نظام التيك توك
س. وما اوجه انفاق كل تلك المبالغ
ج. هي فلوس خاصه بي بشتري بهم هدوم والتليفونات المعروضه مع المحضر وهي فلوس بتاعتي واتبرعت جزء منها من مستشفى 57 3 57
** ملحوظه حيث قمنا بعرض الهاتف المحمول ماركه ايفون أحمر اللون على المساله فقررت ملكيتها له تمت الملحوظة
س. ما صلتك بالهاتف المعروض عليك الآن
ج. ده ملكي وده اللي كنت بتواصل فيه مع إدارة شركه لايكي
س. ومن الذي تقومين بالتواصل معه تحديدا
ج. أحمد لايكي ومحمد علاء ومحمد زكي
س. وما هي بيانات سالفي الذكر تحديدا
ج. ما اعرفش اساميهم تحديدا ولا ساكنين فين بس معي أرقام تليفوناتهم أحمد لايك تليفونه 0 11 50 7407 19 ومحمد ومحمد علاء تليفوناتهم مغلقه
س. وما هي كيفيه التواصل مع سلف الذكر
ج. من خلال جروبات على الواتساب عندي أو من خلال الشات أو من خلال الاتصال بي
س. وما هي أسماء تلك الجروبات
ج. جروب اسمه ايجي ولايكي وجروب ثاني اسمه لايكي نيوز
س. وما عدد الأعضاء في تلك الجروبات
ج. لايكي الهرم 13 وليك روز 143
س. وما هي جنسية أعضاء تلك الجروبات
ج. الجروب اللي فيه 13 في اثنين صينيين وهي أرقامهم بتبتدي ثمانية ستة الجروب اللي فيه 143 في جنسيات كثير
س. وما الغرض من إنشاء تلك الجروبات
ج. عشان يمدونا بالمعلومات هاشتاج ونوعيات الفيديوهات المطلوبة
س. ومن المسئول عن الجروبات سالفة البيان
ج. ا بالنسبة لجروب لايك نيوز سبع مديرين خمسه منهم صينيين ما اعرفش اساميهم بس أرقام تليفوناتهم عند حضرتك ومنهم مارجن اللي اتصلت معاه وعملت معه العقد الإلكتروني واثنين مصريين أحمد لايكي ومحجوب وأرقام امام النيابه العامه
س. ملحوظة كنا بنلف على الهاتف المحمول الخاص بحنين والدخول على جروب لايك نيوز تبين وجود الرساله من أحمد لايكي هاش تاج سرير في مسرحك وضع عرضه على حنين قررت انه لا يقصد المعنى السيئ تمثل ملحوظه
أجلت المحكمة الاقتصادية، أولى جلسات محاكمة حنين حسام، ومودة الأدهم، و3 آخرين، في اتهامهم بالتعدي على القيم والمبادىء الأسرية، ونشر الفسق والفجور، في القضية المعروفة إعلاميًا بـ "فتيات التيك توك" لجلسة 29 يونيو الجاري.
وأثبتت المحكمة، طلبات الدفاع، حيث طلب دفاع المتهمة مودة الأدهم التصريح له باستخراج محاضر مباحث التكنولوجيا والمعلومات المحررة بتاريخ 19 مايو 2019 الخاصة بسرقة هاتفها المحمول والتي تضمن تهديدها وابتزازها بالصور الخاصة بها الموجودة عليه، كما إخلاء سبيل مودة الادهم بأي ضمان تراه المحكمة لحين تنفيذ تصريح المحكمة له سالف الذكر وتقديم المستندات والاستعداد للمرافعة النهائية، كما طالب دفاع الطالبة حنين حسام وباقي المتهمين الإطلاع على أوراق القضية.
