يعيش أدهم محروس نجل الفنانة نادية العراقية حالة من الحزن الشديد بعد فراق والدته منذ أيام حيث كتب أدهم نجل الراحلة نادية العراقية عبر حسابه الرسمى على موقع التواصل الاجتماعى "فيس بوك" قائلا: "أنا راضي بحكمتك يارب العالمين وراضي بقضائك وأنت عارف إني بحبك وعمري مهزعل منك ابدا و بحمدك انك مقويني عشان إخواتي و ابويا وانا قوي دايما بوجودك ياالله».
وتابع: "بس أنا مكنتش عارف إن الفراق صعب أوي كده !، أنا مش مصدق كل اللي حصل، ومش عارف اعبر عن إحساسي ولا اللي جوايا !، مش مصدق إن ماما كده خلاص !؟، مش مصدق إني مش هشوفها ولاهسمع صوتها ولا هحس بأيديها علي رأسي تاني".
وأضاف: "يارب دي هي كانت مصدر قوتي في الدنيا، دي كانت الطيبة والضحكة والرزق والفرحة والطبطبة والحنية والثقافة والذوق، دي كانت الدنيا يارب !، أنا مش مصدق أن أخر شيله شيلتها لأمي كانت لقبرها ! ".
مطالبا من الجميع الدعاء لوالدته الفنانة الراحلى نادية العراقى قائلا: "يارب ارحمها عشان انت عارف ان قلبها ابيض وتحبك ارحمها عشان أنت عارف أن عمرها مقصرت مع حد، وعمرها مقصرت معايا بالعكس انا اللي قصرت معاها، بحبك يا ماميتو، هكمل حياتي عشان دي سنه الحياه وعشان وعدتك اني هنجح في حياتي، هتفضلي عايشة في قلبي".
كانت قد رحلت الفنانة نادية العراقية عن عالمنا فى صباح الأحد الماضي بعد تدهور حالتها الصحية قبل الوفاة حيث ظلت لفترة في الرعاية المركزة تحت أجهزة التنفس الصناعي.
