رئيس مجلس الإدارة ورئيس التحرير
عبد الرحيم علي

هجوم ناري من محمد رحيم على عمرو مصطفى

الأحد 02/مايو/2021 - 08:23 م
البوابة نيوز
ريم أحمد
طباعة
هاجم الملحن والموزع محمد رحيم، الفنان عمرو مصطفى، بعد ظهور الأخير في أحد البرامج التليفزيونية.
ونشر رحيم صورة تجمعه بعمرو على صفحته الرسمية بموقع الصور والفيديوهات "إنستجرام" وكتب معلقا: "صديقي عمرو مصطفى شاهدت حلقتك في برنامج العرافه للإعلامية بسمة وهبة، وكان ليا تعليق الحقيقة، شوف يا عمرو أنا ميهمنيش أبدًا أنك تبقى عايش في كدبة كبيرة ومصدقها لكن يهمني أنك متفرضش الكدبة دي على الناس وتحاول تقنع بيها بعض شرائح الجمهور البسيط اللى ميعرفش حاجات كتير عن أسرار وخبايا المهنة بتاعتنا".
وتابع: "البلد مليانة مبدعين وعلى أعلى مستوى من الموهبة والدراسة والإبداع وكل واحد ليه مدرسته وليه تجاربه اللى لازم تُحترم وكل واحد شق طريقه بنفسه وبذل مجهود لايستهان به فأنت مش من حقك تقلل من حد ولا تحط نفسك فوق حد ولا تغلط في حد من أبناء مهنتك المبدعين اللى كلهم ناجحين سواء مطربين أو ملحنين".
وأضاف: "اشتغل وانت ساكت والزم حدودك انت مش أكتر من ترس في عجلة جوه مصنع جوه مدينة جوه بلد كاملة أسمها بلد الإبداع والفن والحضارة وهوليوود الشرق (مصر) وانا كل ما أبدأ معاك صفحة جديدة ترجع تخون الصداقة والعيش والملح وتفاجئني بما هو أفدح من كل مرة".
واستكمل: "قبل كده كتير كنت بسكت وبقول مفيش داعي نكبر الموضوع المرادي انت بجد زودتها أوي كفايه غلط في الناس كفاية سخرية من مجهود الناس، كفايه تعدي على كل الناس اللى شقيت، وحفرت في الصخر علشان تكون اساميها وانا كنت أتمنى أن الرد ده اسمعه من السيد نقيب الموسيقيين الفنان هاني شاكر أو رئيس جمعية المؤلفين والملحنين مدحت العدل ولكن كلهم سمعوا إهانة الناس وسكتوا، ورمضان كريم محمد رحيم ".
"
هل نجحت دراما رمضان في تقديم محتوى جاذب للمشاهدين؟

هل نجحت دراما رمضان في تقديم محتوى جاذب للمشاهدين؟