عبر الفنانون تامر عاشور وروبي، في أحدث أغانيهما عن ألم المحبين بعد الفراق، واستعانا بتعبير «عادي» للدلالة على عدم مبالاتهم، وانتهاء قصة الحب إلى غير رجعة، فيقول لسانهم "عادي" ومشاعرهم تقول "مش عادي خالص"، ويتضح ذلك من كلمات الأغاني.
بدأت روبى غناءها في ثانى أغانى ألبومها الجديد التى تحمل اسم «أنا لو زعلانة» وهى في حالة الصدمة الممزوجة بالإنكار، بقولها: «لا عادى براحتك مين قالك إن أنا متضايقة، من الأول عارفة إنك ماشي، ومش هبقى أنا ليك، لا عادى براحتك تبعد تفضل مش فارقة، طول عمرك موجود في حياتى ومش حاسة أنا بيك».
وتمر روبى بمرحلة الغضب التى تلقى فيها اللوم على نفسها وتقول: «أيوه أنا غلطانة بأمانة كان لازم تيجى منى من الأول، أنا ليه سبت الوقت يطول مش كنت أنا أولى بكل دقيقة ضاعت وياك».
وتدخل بعدها في مرحلة الاكتئاب التى تتقبل خلالها حقيقة فقد حبيبها وتقول: «ويا عم بسيطة بالتوفيق ألف سلامة الروح في إيدين إلى خالقها، وأنا لسه بعيش ويا عم بسيطة منك في الدنيا دى ياما، أنا بس إلى مكنتش شايفة وكان في تشويش».
وتنهى أغنيتها بآخر مرحلة يتمنى كل حبيبين أن يبلغاها بعد الفراق وهى التعايش مع الخسارة التى حدثت لتستمر في حياتها بشكل طبيعى وتقول: «أيوه أنا غلطانة، بأمانة كان لازم تيجى منى من الأول، أنا ليه سبت الوقت يطول مش كنت أنا أولى بكل دقيقة ضاعت وياك».
أغنية «أنا لو زعلانة» كتبها الشاعر الغنائى كلمات حسام سعيد، ألحان خالد حلمي، توزيع أحمد إبراهيم، مدير تصوير الكليب سيف الدين، ستايلست ندى خضر، إخراج مصطفى عامر، ومن إنتاج وليد منصور.
وينكر أيضا الفنان تامر عاشور شعوره بالألم بعد فراق محبوبته، ويقول في أحدث أغانيه «بقول عادي»: «بقول عادى أنا المرة دى مش فارق معايا رجوع، أنا كويس ولا ببكى ولا موجوع، وموضوع الرجوع مقفول مالوش لازمة».
ويصارح نفسه بألمه ويقول: «بقول عادى لكن بصراحة أنا بكدب ومش مرتاح، فراقك عدى على قلبى كأنه سلاح، قتلتنى ببطء وغيابك طلع أزمة، ومهما ببان كویس أو طبيعى وبعده ريحنى مجرد سيرته ما بتيجى قصادى الشوق بيفضحني».
ولا يتقبل «تامر» خسارة حبيبته ويستمر ألمه ويغنى قائلا: «ومهما ببان كويس أو طبيعى وبعده ريحني، مجرد سيرته ما بتيجى قصادى الشوق بيفضحني، وباخد بعضى وأمشى وأبص بلاقينى مشيت في طريق بقولك فيه بتوحشني».
أغنية «بقول عادي» كتبها الشاعر الغنائى أحمد إبراهيم، ألحان سامح جلال، توزيع وفواصل موسيقية فهد، مهندس صوت محمد إسماعيل، مكس وماستر محمد صقر، جيتار شريف فهمي، بيس جيتار أحمد رجب، بيركش إيهاب فاروق، صولو كولة محمد عاطف.
