يقيم مركز إبداع الست وسيلة، التابع لقطاع صندوق التنمية الثقافية، مجموعة من الأمسيات الشعرية الأسبوعية بمقر المركز، ولكن الظروف التي تمر بها البلاد في الوقت الراهن بسبب انتشار جائحة فيروس كورونا المستجد منعت إقامتها، لذلك قرر المركز نقل هذه الأمسيات الشعرية أون لاين عبر الصفحة الرسمية لقطاع صندوق التنمية الثقافية تحت شعار "الشعر يجمعنا" حيث ينشر خلالها عددا من القصائد الشعرية لمجموعة من الشعراء.
واليوم ننشر قصيدة بعنوان "مداح القمر" للشاعر محمد حمزة.
"مداح القمر"
عاشق ليالى الصبر مداح القمر
عشق العيون السمر غوانى السهر
لولا النهار في جبينك
لولا الورود في خدودك
لولا الأمان في وجودك
لا كنت هويت ولا حبيت
ولا حسيت بطعم الحب يا عمرى
قدك المياس يا عمرى ايقظ الاحساس في صدرى
أنت أحلى الناس في نظرى جل من سواك ياعمرى
يا شعر ليل ياليل ياليل
وفارد ضفايرك على القمر
يا أبو ضحكة حلوة منورة
ليل السهر ياليل ياليل
ياللى حسنك خلى دقات القلوب بتقول اهات
ياما قاللى أشعار كثيرة
وحكايات وليلاتى بيحكوا في هواهم
وكلام على الرمش اللى رماهم
وليل يطول وياهم ويقرب لفرحه عمرى
عينى يا عينى ياعينى عينى عليك
كل القلوب بتدوب حواليك يا عينى
أما أنا "وحدى أنا" با شوفك بس بعيون غير عيون الناس
وأحبك بكل ما في القلب من احساس
أما أنا وحدى أنا باشوف الحزن متدارى
ورا الضحكه اللى في عينك
وبسمع في رنين صوتك شجن مالى لياليك
وياريت اللى كتير حبوكى كانوا يا خدوا عنيه يشوفوكى
كانوا بقلوبهم حبوكى
زى ما حبيتك انا
موال موال عاشق بقيت موال
وقصتى بتنقال للناس والعاشقين
قالوا في الموال.. قالوا على اللى صبر ونال
قالوا من بعد صبر سنين
قالوا دنا اللى قلبى خلاص ارتاح
أنا.. أنا
قالوا في دنيا الأفراح أنا
ومشيت ياليل مشوار طويل
ولا قلت مره ده مستحيل
ومشيت على الشوق فرجعنى
لحد الحب ما طاوعنى مشيت
وبقيت أنا والحلو حكاية
عمرها ما حتبقا لها نهاية
طول ما أنت يا حلوة معايا
حتنوريلى أيام عمرى.
