أكدت الفنانة عبير صبري، أن شكلها طبيعي بنسبة 100% ولم تخضع لعمليات تجميل، قائلة: "أنا لا بشد ولا بنفخ وأنا لسه صغيرة وقمر الزمان، واللي يقول غير كده يبقى غلط مليار في الميه".
وتابعت "صبري" خلال حوارها ببرنامج "شيخ الحارة والجريئة" مع المخرجة ايناس الدغيدي على قناة القاهرة والناس: "أنا طول عمري شكلي كده وممكن نراجع اليوتيوب وهو مش عيب دلوقتي عمليات التجميل ولو عايزة اعمل حاجة هعمل أنا حرة بس شكلى متغيرش من وقت بدايتي الفنية".
واعترفت الفنانة عبير صبري، بأنها تخاف من غضب زوجها لأنه عصبي، مضيفة: "أنا بترعش من جوزي وبخرج بالساعة وبالمواعيد، وهو خلقه ضيق وعصبي وبخاف من عصبيته"، معبرة عن تقبلها لغيرة زوجها خاصة أنها نجمة مشهورة.
وتابعت: "جوزي له تركيبة خاصة مبقتش موجودة دلوقتي وجوزي مسيطر فعلا، ومتحكم وعصبي ولكن أنا بحبه وراضية وهفضل راضية علطول، لكن هو مبيضربنيش وهو طيب وحنين جدا"، مؤكدة رفضها تقديم أي دور اغراء ساخن مهما كان المقابل المادي.
