نشرت الإعلامية رضوي الشربيني صورة جديدة لها عبر حسابها الرسمي بموقع تبادل الصور إنستجرام، وهي مرتدية الحجاب.
وعلقت رضوى على الصورة قائلة: اترددت كتير أوى قبل ما احط الصوره دى.. يمكن علشان كان نفسى تبقى أول صورة بالحجاب لما ربنا يكتبه ليه بجد ويمكن كنت خايفة اتهامى بالتمثيل أو ادعاء الفضيله.. بس أول مرة أحس إنها صورة معبرة للكلام اللى عايزة أقوله"
وأضافت: السنة دى احنا كلنا قاعدين فى البيت ودى فرصة ذهبية لكل شخص فينا.. نراجع نفسنا ونطلب منه السماح والهداية.. محدش فينا ملاك وكلنا مقصرين.. بس الأكيد كلنا عايزين ندخل الجنة.. اللى يقدر يعمل السنة دى حاجة أزيد يعملها.. اللى يقدر يشجع غيره يشجع.. اللى يقدر يسامح يسامح واللى يقدر يقرب من ربنا أكتر يقرب.. لعل رمضان السنة دى مختلف لينا جميعا.. رمضان كريم.
