“,”المواطن الغلبان حسن حصاوي يغشى عليه من حين لآخر.. وعندما يفيق لا يفهم ما حدث حوله من تغيرات، تقصده حنان قريبته ليساعدها على الزواج، حيث لم يعد لها من الأقارب غيره“,”.
حنان:أنا مضطرة أتجوز وما عادش عندي راجل يتكلم مع العرسان غيرك.
حصاوي:حاضر.. بس حاولي تتزوقي شوية وتهتمي أكتر بقوامك ولبسك وشعرك.
حنان:فهمت.. باختصار أعمل نيولوك.
“,”يتقدم أحدهم لحنان فيقابله حصاوي ومعه حنان“,”
حصاوي:دي طلبات حنان بخصوص الشبكة والمهر والمؤخر.
العريس:أنا تحت أمرها وموافق على كل طلباتها ومليش غير طلب واحد بس.
حنان:إيه هو؟
العريس:تتنقبي.
حنان:متأسفة.
العريس:أنا ماقدرش أتجوز واحدة سافرة.
حنان:وأنا مقدرش أتجوز واحد يتحكم فيا من أولها.
حصاوي:نتفاهم بالعقل يمكن نوصل لحل.
حنان:بعد ما عملت النيولوك؟ يفتح الله.
حصاوي:طب بس فكري.
العريس:طالما ستفكر لا تصلح لي “,”يمشي“,”.
حنان:أنا فكرت لقيت ما فيش قدامي غير أختار حل وسط.
حصاوي:إزاي يعني؟
حنان:يعني كفاية أتحجب.
حصاوي:فكرة برضو.. خير الأمور الوسط.
“,”تشتري حنان مجموعة فساتين حِشمة وتتحجب ويتقدم لها رجل آخر“,”
حصاوي:إسمح لي أسأل حضرتك.. مستعد..
عريس 2“,”مقاطعًا“,”: مستعد أعمل لها أكتر من كل اللي بتحلم بيه.
حنان:يبقي على خيرة الله.. مش كده ولاّ إيه يا خالي؟
عريس 2:بس اسمحي لي يعني الحجاب اللي لابساه دا..
حنان“,”مقاطعة“,”: ما تحاولش أنا مش مستعدة أتنقب.
عريس 2:طب اسمعيني الأول..
حصاوي:يا أستاذ دي مسألة مبدأ وهي رافضة تتنقب تمامًا.
عريس2:بالعكس أنا قصدي تقلعي الحجاب خالص.
حصاوي:طب قول كدا م الأول يا راجل، أظن دلوقتي ما عندكيش مانع يا حنان؟.
حنان:طيب نأجل الموضوع دا لبعدين.
حصاوي:ليه؟ دا انتي لحد كام يوم ماشية على حل شعرك.. قصدي عمرك ما لبستي حجاب.
حنان:وأنا فعلاً جايز أقلعه بكرة ولاّ بعده.
عريس 2“,” ينهض“,”: متأسف.. دي مسألة مبدأ، عن إذنكم.
حصاوي:طب استنى بس الكلام أخد وعطا “,”يمشي خلفه ثم يعود لحنان“,” ما فيش فايدة مش عايز يغير رأيه.
حنان“,”وهي تخلع الحجاب“,”: طظ هو اللي خسرني.
حصاوي“,” بذهول“,”: طب كنتي اقلعيه قدامه.
حنان:أنا قصدت ما اقلعوش قدامه عشان مش عايزة راجل يتحكم فيا.
“,”وتقدم لحنان عريس ثالث“,”
العريس3:ما تقدريش تتصوري سعادتي قد إيه.
حصاوي:أظن أحنا اتفقنا على كل حاجة.
العريس3“,”وهو يمسك يدها“,”: إن شاء الله.. وتأكدي إني هديكي حريتك تتصرفي زي ما انتي عايزة، بالحق انتي بتشتغلي؟.
حنان“,”وهي تسحب يدها“,” أيوه بس حاليًا في إجازة بدون مرتب.
العريس3:أهو دا عيبه.. وما عندكيش أي دخل تاني غير مرتبك؟.
حنان:وأنت دخل أهلك إيه؟.
حصاوي:هي هتضطر تسيب الشغل عشان بتموت في الأطفال.
العريس3:يبقي ولا تسيبي الشغل، إذا كان ع العيال أنا عندي أربعة عيال تتسلي بيهم.
“,”حصاوي يغشى عليه“,”
