قال الرئيس عبد الفتاح السيسي، إن الشأن العام أمر مختلف بشكل كبير عن المفهوم الفردي، والمسئولية علينا كمجتمع لحماية الدولة المصرية بعناصرها بأكملها وليس نظام بعينه، مضيفًا: "لو أنتوا تصورتوا أن ثورة 30 يونيو و3 يوليو، بأني كنت جاي طمعان في حاجة تبقوا ظلمتوا الفكرة والقيم والمبادئ اللي وقفنا مع المصريين من أجلها عشان أبقى موجود كرئيس للجمهورية.. دا أنا أبقى أوحش منهم".
وأضاف "السيسي" في كلمته باحتفالية وزارة الأوقاف بمناسبة المولد النبوي الشريف، والمقامة في مركز المنارة للمؤتمرات: "قبل الانتخابات والترشح لرئاسة الجمهورية كتير من الناس قالوا ليه أنا مش عايز أقدم على الانتخابات، لكني بقول إني اتحايلت على الرئيس المؤقت عدلي منصور شهور بأنه يترشح لرئاسة الجمهورية وأنا أفضل في مكاني زي منا كوزيرًا للدفاع".
وأوضح: "اتحايلت عليه لشهور وأقوله من فضلك، دي سنة عدت اترشح من تاني وأفضل في مكاني كوزير للدفاع لأجل خاطر مصر والمصريين، ولكنه قالي هي كده تمام وكفاية كده، وأنا بقول الكلمة دي عشان تعرفوا أن الموضوع مش رئيس ونظام، ولكن على الأقل بالنسبة لي مش موجود، القضية قضية أمة وحمايتها وبنائها والجري بأقصى ما يمكن عشان تتحط في المكان اللي ربنا يقدرنا عليه ويوفقنا فيه".
وتابع: "أنا بقول الكلام عشان تعرفوا أن الكل زاهد فيها، لأنه تحدي كبير جدًا في الدنيا والدين عند ربنا يوم القيامة".
