رئيس مجلس الإدارة ورئيس التحرير
عبد الرحيم علي
رئيس التحرير التنفيذي
داليا عبد الرحيم

إبداعات| «أراجوز».. قصيدة للشاعر «كريم ماهر»

الخميس 17/أكتوبر/2019 - 07:58 م
البوابة نيوز
طباعة
أراجوز ويمكن بلسانين
والكلمة منى بتنفلت
أو حتى لعبة في الإيدين
وف كل قصة بتتخبط
أنا كل حالة وكل رغبة
بسيط لدرجة العبط
وكمان معقد بامتياز
من قاع لقاع وماليش وسط
أنا صوتى أعلى من الوجود
لا بينخرس مهما سكت
وخيالى خالى من الحدود
أنا ضحكة نونو ماريونيت
أنا عمر قاعد في المحطة
كام حلم عدى وحب فات
وكأنى مستنى أونطة
كأنى خدت على الثبات
الحلم وارد يبقى غلطة
القلب جايز يبقى مات
وعشان يعيش لازم له واسطة
عشان يعيش محتاج حاجات
أنا واجهة للّى مالهش وجه
وأقدر أواجه أى وجه
مهما يكون بألف وجه
بدون مقابل أو لوجه
أنا قصة نحكيها ساعات
وذكرى في قلوب البنات
ولعبة في إيدين الولاد
فانوس ينور بلكونات
وراديو داير في الحارات
عن كل حال يعكس حالات
أنا أى حاجة من الحاجات
وماليش مطالب أو حاجات
وساعات شجاع وساعات باكش
وساعات تخين وساعات بَافِشّ
وكابوس غلس في اللعبة غش
في كل حلم يقوللى كش
"
من المطرب الذي تنتظر سماع ألبومه في رأس السنة ؟

من المطرب الذي تنتظر سماع ألبومه في رأس السنة ؟