( المواطن الغلبان حسن حصاوى يغشي عليه من حين لآخر، وعندما يفيق لا يفهم ما حدث حوله من تغيرات ولكن أحيانا ما يجعل من يسمعه هو الذي يغشي عليه).
( حصاوى جالسا مع رجل من أصحابه علي المقهى عندما جاء "المسقف" وجلس بجوارهما وفتح بعض الصحف وأخذ يمصمص شفتيه)
المسقف استر يا رب.
الرجل خير؟
حصاوى لأ مش خير.الجرايد كاتبة أن مرسي قال لحراسه" أن تفجيرات مديرية الأمن في المنصورة ومدينة نصر في القاهرة عمل انتقامي إلهي جاء ردا علي الانقلاب العسكري".
حصاوى ( يتدخل فجأة ) يبقي فشل الإخوان في اغتيال عبد الناصر كان هو كمان عمل انتقامي إلهي.
المسقف لكن عبد الناصر نفسه لم يجرؤ يعلن أن الإخوان جماعة إرهابية"
حصاوى ما هو ما كنش محتاج ياخد إذن من حد.
المسقف تسمح تسكت أنت ؟ أنا بتكلم مع الراجل
حصاوى حاضر. بس علي فكرة هو لم الإخوان كلهم في يوم واحد وبعدين جه
يقول إنهم إرهابيين, مالقاش حد من الناس مهتم, قام سكت.
الرجل طبعا لأنه كان ديكتاتور عشان كده ربنا جاب أجله بدري.
المسقف أسكت أنت كمان.
الرجل حاضر.بس عايز أفهم أنت مع مرسي والإخوان ولا مع الشعب؟
المسقف بالعكس, أنا ضد الإخوان لكن قلقان لأن الحكومة رضخت للشعب وأعلنتهم إرهابيين.
حصاوى والمفروض الحكومة ترضخ للشعب لأنها بتمثله و إلا الشعب كان يثور عليها ويسقطها؟، ولا أنت خايف ع الحكومة ومش زعلان علي الأهالي والجيش والشرطة اللي بيتقتلوا يوماتى , دا غير وقف حال البلد كلها.
الرجل عندك حق.
المسقف فيه حاجة اسمها سياسة، اسمع مرسي قال إيه لحراسه( يقرأ من الصحيفة) قال" إن فيه مفاجآت ستشهدها مصر حتى لو مر الدستور, وعبر مرسي عن سعادته بالتفجيرات وقال إنه هيخرج قريبا وأن كل من شارك في الانقلاب سيلقي مصيره برحيله قريبا".
الرجل فعلا دي حاجة تقلق، دا مكن يحصل يا أستاذ حصاوي؟
حصاوى أدينا بكره نشوف هيقدروا علي إيه وبعد ما بقي أغلبهم محبوسين.
المسقف ( وهو يقرأ) " مرسي رد على دا وقال لحراسة " محدش هيسمح ليكم تحاسبونا بقضية التخابر وهناك دول كبيرة وأمريكا والغرب لن يسمحوا بهذه المحاكمة وستمارس ضغوطا كبيرة علي القاهرة، والإخوان وحلفاؤهم لن يسمحوا بهذه المحاكمة وأنصح رؤساءك وأنتم أكتر ناس عارفين دماغ الإخوان, وهناك ملفات مع شخصيات تابعة للإخوان سنفجرها وستقلب الدنيا رأساعلي عقب وأملك دلائل ضد شخصيات كبيرة داخل البلاد وسأفجر مفاجأة كبيرة حال تقديمي للمحاكمة.
الرجل أنت بتصدق مرسي؟ دي نكتة، دا طول عمره ما وعدنا بحاجة وعملها.
المسقف بس في دي جايز يبقي عنده حق.
حصاوى وأنت مالك خايف من إيه؟ يلاقوا اسمك ضمن الشخصيات دي ؟
المسقف لأ طبعا، بس كده ضيعنا فرصة المصالحة معاهم.
حصاوى وهو مين اللي يصالح التاني, القاتل ولا أهل المقتول ؟ وهما كان عمرهم طلبوا المصالحة ولا طول الوقت عايزين يفرضوها شروطهم وأولها عودة مرسي؟
المسقف أنا قلقان يستغلوا الأمريكان والغرب كله ضدنا ويسوءوا سمعتنا وسط الأمم.
حصاوى وهما الإخوان ولا الغرب لسه لهم سمعة ؟ ما بانت كل مؤامرتهم ضدنا واتفضحوا.
المسقف ولما تطلع في دماغ مرسي ويضرب عن الطعام زى ما بيهدد يبقي كويس؟.
حصاوى هو مرسي سعي عشان يبقي ريس إلا عشان ياكل بط ؟ أنت فاكر أن الإخوان اللي بيكسوا الملايين مش أكتر ناس في الدنيا جعانين وعمرهم ما يشبعوا أبدا ؟.
الرجل أي والله صدقت يا حصاوى.
( المثقف يغشي عليه )
لينين الرملي
1 ـــ سؤال بريء
هل هناك علاقة نسب فعلا بين رفاعة الطهطاوي وحفيده ؟ وبين أحمد بهاء الدين وبين
ابنه زياد ؟!
18
2ـــ فرحتين
لو صبر الببلاوي وزياد بهاء زين الدين علي إعلان الجماعة إرهابية ليومين اتنين
لكانت فرحة الشعب فرحتين!! وافهمها أنت.
3 ـــ لا مؤاخذة
فلو كانت الحكومة قد صهينت علي الإخوان أكثر, لكان الشعب قال لها , إنها حكومة
...... ولا مؤاخذة و..... وأكثر!
4 ـــ لا يخاف
لم يكن أحمد بهاء الدين يخاف من السادات, وكذلك لا يخاف ابنه ...إلا من أمريكا!
وكذلك الببلاوى!
5ــ ولا يختشى
لم يعجب المستشار هشام البسطويسي المرشح السابق للجمهورية إعلان الإخوان جماعة إرهابية
والحجة الواضحة ,لأنها لم تعترف بذلك!! وعرفنا الآن لماذا طلع الأخير في الانتخابات!
6ـــ مفتي لكل العصور
التاريخ شاهد علي دقة تنبؤات محمد حسنين هيكل دائما, وأكبر دليل تنبؤاته عن سحق ناصرلإسرائيل, وفشل السادات في حل المشكلة!
7 ـــ تحذير خطير
حذر المعزول حراسه أنه ( يمكن يضرب عن الطعام ويعمل لهم مشكلة) وأنه ( سيفجر
مفاجأة كبيرة حال تقديمه للمحاكمة) ولم يقل كيف سيتكلم وهو جعان!
