قال أحد الثعالب: أيها الذئب علمنى كيف أعيش وأحيا هذه الحياة، قال الذئب: اذهب واقفز من فوق الجبل الصغير، قال الثعلب لكن ستنكسر قدمى، قال الذئب: لاتقلق أبدًا سأكون بجانبك وسأمسك بك، فذهب الثعلب وقفز ولم يمسكه الذئب، ولم يجده فذهب إليه غاضبًا وقال له: لماذا لم تمسك بى ولم أجدك بجانبي؟ قال له الذئب: هذا هو درسك الأول لا تثق بأحد إلا بنفسك، ولا تنتظر من أحد أن يكون بجانبك، كُن أنت بجانب نفسك.
- نواصل جمع الأدلة على المؤامرة التى حدثت من ٢٠١١، ورغم تصدينا لنجاحها وتنفيذها فى مصر لكنهم لم ييأسوا ولايزالون يكررون المحاولات لاستنزافنا وسقوطنا، خاصة أن المؤشرات تثبت وتؤكد مع كل خطوة نخطوها ما كان متوقعا لمصر، وأنها ستكون عام ٢٠٢٠ أقوى دولة فى الشرق الأوسط والمنطقة.
- قال قردوغان خلال اجتماع الكتلة البرلمانية لحزب العدالة والتنمية بأنقرة: إن الإرهابيين الذين غادروا الرقة بسوريا تم إرسالهم إلى مصر لاستخدامهم هناك فى صحراء سيناء، وأضاف أن الولايات المتحدة ستستخدم الأسلحة التى أرسلتها إلى المنطقة ضد إيران أو تركيا أو روسيا إذا استطاعت، وقد وعدت الولايات المتحدة بإعادة الاستحواذ على الأسلحة التى أُرسلت لوحدات حماية الشعب، ولكن التسليم يستمر وتساءل ضد من سيستخدمون هذه الأسلحة؟ ضد تركيا وإيران أم ضد روسيا لو استطاعوا؟ طب ياريت تنهق وتعيدها تانى مرة عشان البهاليل والبهايم بتوع زريبتك يسمعوك بوضوح، بتقول إرهابيين مش هما دول كانوا معارضة معتدلة وثوار ضد نظام الأسد الطاغوت، وكل التصريحات الدولية تبنت المصطلح ده، دلوقتى بتقول اللى قلناه من سنين ونبهنا إنهم إرهابيون مرتزقة من كل الجنسيات، وبيتنقلوا بالأمر من دولة لدولة عشان تنفيذ الأجندة ووقتها مفيش حد صدق، دلوقتى بتقول وبتفضح نفسك أمام العالم، وكمان هتنقلوهم لمصر؟ يعنى اللى بيحصل فى مصر إرهاب مش ثوار أحرار وملوخية وممبار ودعمهم سلاح أمريكى، وطبعًا كده يبقى تصريح واعتراف رسمى عشان لما نقول إن فى جنسيات أجنبية فى المقبوض عليهم، واللى تم فرمهم وقتلهم، وإن اللى بيحصل داخل فيه أجهزة مخابرات أجنبية وإن كلام الريس للعالم صدق، وإن فى دول بتدعم الإرهاب، وطبعا كده إحنا بحق السيادة والدفاع حقنا نفرمهم، هو ده الكلام الصح ياقردو ميحرمكش دايما يانعجة الخرفان من الهطل وحلو قوى لما تعترفوا ما إنتوا متآمرين وأغبياء، طب اللى يقرب يجرب وبلاش تلعبوا مع مصر عشان بدل ماهتبقا قردو هتبقا قردايه إنت وبهايمك، وبالنسبة للهيصة الخاصة بالقدس واللى عنوانها المناسب لكل العرب (لقد وقعتم فى الفخ) أولا: الكل اعترف بدولة إسرائيل بمنتهى الغباء قولوا ليه؟ أنا سعيدة إنكم سألتونى السؤال ده، لما يكون الكل غضبان إن القدس عاصمة دولة إسرائيل فى كل التصريحات ده معناه إنهم من الأصل معترفين للغرب وللعالم بدولة إسرائيل، المشكلة مش فى العاصمة تكون فين؟ المشكلة إن الاعتراف بالعاصمة يعطى شرعية للدولة نفسها، وده كان جس نبض للعرب أمام العالم، بالضبط كده زى لما تطالبوا الدولة إنها تتفاوض مع تنظيمات إرهابية، ده معناه إعطاء غطاء شرعى لها واعتراف الدولة بها، ونرجع نقول للمرة المليون إن كل اللى بيحصل هدفه الرئيسى مصر وجيشها، ولو تفتكروا المشروع اللى كان هيتم تنفيذه فى سيناء وقت حكم البهايم بالاتفاق مع دميم وأمه وأمريكا وإسرائيل وكان الغرض الرئيسى تهجير الفلسطينيين فيه، وطبعا مصر ضربت لهم مخططهم فى مقتل وقلبت عليهم الترابيزة بالإضافة لمحاولة جر الجيش فى معارك لادخل له بها لاستنزافه وتوريط مصر واللى اتلسع من الخونة ينفخهم واللى عنده معزة يربطها والسلام عليكم ورحمة الله وبركاته.
