( المواطن الغلبان حسن حصاوي يغشي عليه من حين لآخر، وعندما يفيق لا يفهم ما حدث حوله من تغيرات ولكن أحيانا ما يجعل من يسمعه هو الذي يغشي عليه).
( المثقف يتحدث في مجموعة من الناس عن الانتخابات القادمة لمجلس الشعب ويوعيهم وهم يستمعون له بتركيز واهتمام )
رجل ( جالس بقرب حصاوى ويسأله) قولي يا حصاوي هتنتخب مين لمجلس الشعب ؟
حصاوى لما ييجي وقتها أبقي أفكر ( ثم يغمز له بعينه وهو يشير إلي المثقف)
الرجل طب وبتغمز لي بعينك ليه؟
حصاوى ( هامسا) دا أنت فضيحة. قوم نقعد في الكرسي اللي بعيد فيه طراوة.
( الرجل ينهض ويمشي خلف حصاوى ويجلس بجواره )
الرجل قولي بقي هتنخب مين ؟
حصاوى أي حد ابن حلال يكون فرعوني ابن فرعوني ولسه بيحب أجدادنا.
الرجل يا نهار أسود هو لسه عندنا فراعين لحد دلوقت ؟
حصاوى وطي صوتك ما تفضحناش.طبعا يا ابني.ما إحنا كلنا أحفاد الفراعين
مسلمين ومسيحيين.
الرجل بس الفراعنة دول كانوا وحشين خالص وبيعاملوا الغلابة اللي زينا كأنهم عبيد عندهم.
حصاوى ما تصدقش. دا الأجانب اللي احتلونا هما اللي طلعوا علينا التشنيعه دي. وبالعكس الحقيقة العالم كان يمر بالعصر العبودى ما عدا الفراعنة.
الرجل والفراعنة فرقوا عنهم إيه؟
حصاوى لو كان إحنا عبيد الفرعون إزاي سبقنا الكل وعملنا الورق واخترعتا الكتابة ؟ وإزاى كان عندنا أطباء بيعملوا عمليات جراحية في المخ؟
الرجل لأ ما تقوليش.
حصاوى مش أنا اللي بقول دول العلماء الأجانب اعترفوا لما فهموا دا من وقت قريب. وبعدين أنا أفهم العبيد يشيلوا الأحجار بتاعة الأهرامات لكن العبيد يهندسوا أهرامات ومعابد ومسلات وتماثيل مهولة ومراكب تعدي المحيط وغيره كتير ولسه أسرارهم مش معروفة لحد دلوقت وقدروا يحتفظوا بأرضهم لحد النهار دا بنفس الحدود وماحدش قدر يعمل دا غير إحنا والصين.
الرجل يا سلام.
حصاوى وكفاية إنهم عملوا حساب أحفادهم اللي إحنا منهم عشان يضمنوا لنا عيشتنا بعد آلاف السنين وفعلا لحد دلوقت بيصرفوا علينا.
الرجل إيه التخريف دا؟ دا أنت اتجننت بقي
حصاوى طب هو إيه أكبر مصدر للدخل عندنا؟
الرجل قناة السويس.
حصاوى أبدا. مصر حفرت قناة أيام الفراعنة ولما الهمج غزونا ردموها والسياحة دلوقت هي اللي بتدخل لنا أكبر دخل. الناس بتيجي من كل الدنيا عشان يملسوا ع الأهرامات ويتصوروا جنب أبو الهول ومراكب الشمس والمسلات ويتفرجوا علي آثارنا اللي إحنا مش حاسين بقيمتها
الرجل أيوه صحيح.
حصاوى دا غير العلماء اللي بييجوا ينقبوا عن الآثار اللي لحد دلوقت بيطلع من أرضها حاجات عجب. وكفاية المسلات اللي سرقوها وحطوها في أهم ميادينهم.
الرجل إنما قولي اشمعني قعدتنا بعيد عن الناس ؟
حصاوى أصلي مش عايز الجدع المتسقف دا يسمع اللي هقوله.
الرجل أنت مخاصمه ؟
حصاوى لأ بس أصله من الفلول اللي جم مع اللي غزونا وكلامي هيزعله.
أنت مش واخد بالك أن المتحف المصري والمجمع العلمي حاولوا
يحرقوها والتماثيل سرقوها أو كسروها.
المثقف ( ينهض ويقترب منهما) أنتو بتقولوا إيه؟
حصاوى بقول أهم من انتخاب مجلس الشعب, ننتخب رئيس الجمهورية الأول.
الرجل وأنت هتنتخب مين؟
حصاوى الفريق أول السيسي طبعا. ياللا بقي علي وعلي أعدائي!.
( المثقف يغشي عليه )
هرش مخ الأحد 22 /12 /13
1 ـــ ديموقراطية أمريكا
تجلت الديموقراطية في استبعاد مجلة تايم الأمريكية الفريق السيسي رغم حصوله على
أعلى الأصوات.أوعى يكون اللي هيراقبوا انتخاباتنا, حد منهم!
2ـــ نهاية المهلة
الببلاوى مستني الناس تطلع له بالملايين ليعطيهم مهلة لأسبوع وبعدها ... يطرد الشعب
كله!
3 ـــ خايف أقول
فيه كام واحد مش عايز أقول أسماءهم لحسن يزعلوا مني, إذا عرفتوا أنا أقصد مين هم,
ما حدش يفتن عليا!
4 ـــ هو فين ؟
كان قرار تجميد مشروع قانون الإرهاب منطقيا.هو فين الإرهاب دا؟ هو عمر الإرهاب قرب من ناحية الببلاوي ولا زياد بهاء الدين؟!
5ــ أحسن من الشرف
الإخوان أطلقوا الفتيات للتظاهر نتيجة نقص الرجالة. قريبا سيزيد عدد المتظاهرات لأن الرجل يحل له الزواج من أربع من ذوات السبع سنين كما تقضي شريعتهم!
6ـــ أعرف عدوك
عرفنا الآن من الذي يقف مع الإخوان, أنهم الذين يعشقون الإسلام الحريصين علي
الشريعة. ..أنهم كل قوي الغرب المسيحي الذي يمول المتأسلمين!.
7 ـــ أرجع يا زمان
قال القرضاوى أن مصر عاشت ستين عاما تحت الاستبداد العسكري, مع أن الزمان
لو عاد للوراء لن يكون عندنا إخوان إلا في السجون!
