مصر يا بني.. مصر يا سيدي.. مصر يا عم.. مصر يا خال.. مصر العيال في حضن الكبار.. مصر الفرحة اللي تجمع.. مصر الضحكة اللي تلم.. مصر العظمة والسلطنة والجدعنة والرجولة.. مصر القلب والروح.. مصر العظيمة.. مصر الانتصار والتحدي.
تيتا أمينة وابن بنتها وعلم مصر.. ملخص الحكاية.. حكاية شعب بيتوارث حب البلد ديه، مهما تمر من ظروف ومهما يحاولوا يهدوا، جينات المصريين أقوى.. تيتا أمينة بتقول يا رب النصر لمصر.. ومحمد بيقولها ادعي يا تيتا وقولي يا رب نكسب.. تقوله: هنكسب يا حبيبي.. هنكسب مفيش خسارة تاني.. بكرة بتاعكوا كله مكسب.. وتختتم لو سمعني يا ولادي في المنتخب بقولكم فرحونا.. فرحنا يا أبو صلاح.
