قال الدكتور معتز بالله
عبد الفتاح، أستاذ العلوم السياسية بجامعة القاهرة، إن الدولة عندما تُصدر أكثر
مما تستورد تُحافظ على العملة الخاصة بها أمام باقي العملات، مثل دولة ألمانيا حيث
إنها تُصدر أكثر مما تستورد، ولكن مصر تستورد أكثر مما تصدر فبالتالي تواجه أزمة
في ارتفاع الدولار.
وأضاف عبد الفتاح، خلال
تقديمه برنامج "حلقة الوصل"، على قناة "أون لايف"، أن السعر
الطبيعي للدولار في مصر هو 15 جنيهًا وهو سعر معقول للغاية، مستطردًا: "بس
لازم شوية يرتفع وشوية ينزل لأنه عامل زي درجة حرارة الإنسان ممكن شوية يطلع وشوية
ينزل".
وتابع: "الناس اللي
بتقول نعمل إيه، نخزن أموالنا دولار ولا مصري، بقوله خلي نص كده ونص كده، أنا عن
نفسي بحاول أحافظ على الدولارات ومعايا دولارات ومعايا مصري، الدولة من ناحية والإغراءات
من ناحية تانية يقولوا يجب تحويل الدولارات إلى جنيه مصري، لازم نحافظ على الاثنين".
وواصل: "الدولة والحكومة هما اللي محتاجين الدولار، فبالتالي محدش يقول إن لو الرئيس خلى دخل قناة السويس بالجنيه المصري ده هيعمل حاجة، لا ولا هيأثر في أسعار العملات".
