شنت الإعلامية أمنية زعزوع، هجومًا على النائبة البرلمانية التي ارتدت "تيشيرت" المنتخب المصري قبل مواجهة الكاميرون في النهائي قائلة: "إيه اللبس اللي إنتي طالعة بيه ده؟! بالذمة دا منظر نائبة بالبرلمان والله لو الرجالة ما سخرتش مننا كسيدات يبقوا غلطانين".
وتابعت "زعزوع "، خلال تقديمها برنامج "أمنية مصرية"، المذاع على فضائية "الحدث اليوم"، اليوم الأربعاء: "انزلي اشتري حتى تيشيرت بكم طويل أحسن من البلوفر الأسود اللي لبساه تحت التيشيرت حتى يبقى شكلك قيمة؟"، متابعة أن ما قامت به النائبة البرلمانية "شغل ستات" وأخجلت السيدات المصريات كلهن.
وأضافت "زعزوع": "إنت خلتيني أحس أني عاوزه أقلب البرنامج بتاعي أبلة فاهيتا بسبب اللي بتعمليه ده؟ وإنتي قريتي على المنتخب وقعدتي تقولي هناخد الكأس وخسرنا"، ساخرة: "أنا لما قولت على النائبة دي أنها أم محمد ما كنتش بغلط فيها بس هي حسستني أننا قاعدين على مسطبة".