قال الرئيس عبدالفتاح السيسي: إنه يجب على كل المحافظين أن يعلموا حجم المشروعات التي تُنفَّذ في محافظاتهم، ويتدخلوا فيها، بما لا يؤجل العمل، قائلًا: "تستطيع أن تخاطب كل جامعة بمحافظتك لطلب متخصصين في كل مشروع".
وأضاف السيسي، خلال كلمته بافتتاح عدد من مشروعات المزارع السمكية في الإسماعيلية، اليوم الأربعاء: "أتصور أن لو مسئول كبير حاطت إيده في كل عمل التجاوز بيقلّ"، متابعًا: "مِن حقك تسأل الموظفين بتعملوا إيه وهتجيبوا كام، مِن حقك تقابل المقاولين اللي بتتعامل معاهم، مِن حقك تعمل ده لأنك مسئول عن عدم وجود تجاوز ومكافحته.. يمكن تقول مش شُغلتي.. أنا مقدّر ده، بس لو كل مسئول ووزير ومحافظ حط إيده معانا في أي التزام ده التجاوز هيقلّ".
وأكد: "إحنا بنساعد الناس بتوعنا إنهم لا يتجاوزون، ومع تكرار السؤال هتعرف ولو احترت ارفع سماعة التليفون وكلّم رئيس الرقابة أو كلمني أنا قوللي عندي موضوع عاوز اطمن عليه.. هقف جنبك".
