تداول نشطاء على موقع التواصل الاجتماعي "فيس
بوك"، مقطع فيديو لمعلم أثناء ضربه أحد الطلاب بطريقة مهينة، أمام زملائه،
عقابًا له على مغادرته الفصل دون استئذان.
وأكدت أمنية فكري، خالة الطالب، على صفحتها على
موقع التواصل الاجتماعي، "فيس بوك"، أن الطالب الموجود في مقطع الفيديو،
ابن أختها قائلة: "بغض النظر هو طفل وممكن يغلط، بس مين يدي الحق للمدرس
المحترم، إنه يضرب الولد بالطريقة المهينة دي قدام زمايله".
وتابعت: "طبعًا الفيديو دا كان في الآخر بعد
ما خلص ضرب، أصحابه كانوا قاعدين يعيطوا عشانه، وربنا ألهمهم إنهم يصوروا المدرس
وهو بيضربه، عشان أحمد يعرف يجيب حقه، وبالفعل اتعمل فيه محضر، وحقه هيجيله"،
مشيرة: "محدش يتخيل الولد متأذي نفسيًا إزاي كل ما يشوف الفيديو، وأنا ضد إنه
يتنشر بصراحة، عشان خاطر أحمد بس نشرناه، لأن زمايل المُدرس المحترم عاملين حملة
تضامن معاه ومعلقين صوره".
وأضافت: "أنا مش فاهمة هما إزاي مش عاوزين الأطفال
تكره التعليم والمدارس؟!، المدرسين دول محتاجين إعادة تأهيل نفسي للقيام بعملية
التربية، ويعرفوا إنهم بيتعاملوا مع بني آدمين مش حيوانات".