يا جمعة، يا نيلة، اصحى يا متدهول، البيت ما فهوش إزازة زيت، أروح لمين!، جوزي وأنا عارفاه، خبير نوم سطيحة، أستاذ في الشخير والأنتخة، خلاصة الكلام، أدّن في مالطة.. ولا أدّنش في قفاه، ده حظ إيه ده!، يا مطافي، يا ميه اتنين وعشرين، النجدة اااا، بس، مفيش غيره حل، جواب، وأبعته ع السريع، وبعلم شكرية أم ودنين "اللي هىّ أنا"، على صندوق بريد حنفي أمين مخازن السكر والزيت في وسية الحكومة الحصرية، وهما كلمتين هقولهم والأرزاق ع الله: «جاتك خيبة يا حنفي، ما تفرقش كتير عن جوزي أبو شخير، يا حنفي، الشعب يستغيث من شححان زيت وسكر التموين، انت فين يا موكوووووس، لقد نفذ رصيد الدعم المهزوز، اجري يلاّ بسرعة ودبر أمورك قبل قطر التعديل ما يطولك، في انتظار تصبيرة، إزازة زيت ع السريع على الأميل التالي: شكرية أم ودنين اسلاش يا حوستى.. دوت كوم».
