تحقق شركة أوبر المتخصصة في توفير سيارات الأجرة (التاكسى) من خلال الهاتف المحمول نموًا هائلا في العاصمة المصرية.
فبعد أقل من عام على بدء خدمات الشركة بمصر أصبحت مدينة القاهرة الأسرع نموًا في منطقة الشرق الأوسط وأوربا وشمال إفريقيا.
وأعلنت الشركة التي تعمل في تسع دول بمنطقة الشرق الأوسط هي البحرين ومصر ولبنان وقطر والمملكة العربية السعودية والأردن وتركيا والمغرب والإمارات العربية المتحدة أنها سوف تستثمر 250 مليون دولار لتوسيع خدماتها في المنطقة لتتناسب مع النمو الكبير.
ويقول عبد اللطيف وأكد مدير العمليات في مصر لشركة أوبر: إن عدد سائقي الشركة ورحلاتها في القاهرة تضاعف ست مرات منذ مايو الماضي وهو معدل أعلى من باقي المنطقة.
أضاف وأكد لتليفزيون رويترز: "النمو بتاع أوبر اللي احنا قلنا.. أوبر من شهر مايو عدد الرحلات والسائقين كبرت ست مرات. من شهر مايو، فده حاجة تقريبا يعني كنا من أعلى النمو في العالم كله. بس هو كان فعلا أعلى نمو في إفريقيا والشرق الأوسط وأوروبا كلها. فقدرنا أن احنا نكبر ست مرات. في نفس الوقت شركة أوبر هتستثمر 250 مليون دولار في المنطقة، جزء كبير منهم هيبقى مُستثمر في مصر.
والاستثمار في مصر أو الاستثمار في المنطقة بتاعة الشرق الأوسط هدفها أن احنا إزاي نقدر ندخل عدد سائقين أكبر على السيستم. نقدر أن احنا نخلق فرص عمل أكثر بكثير".
وتعاني القاهرة التي يقطنها زهاء 19 مليون نسمة من زحام شديد في حركة المرور.
وقال عبد اللطيف وأكد "احنا عندنا فعلا مشكلة الزحمة صعبة جدا. فالناس كلها أول ما لقت (وجدت) بديل بأسعار كويسة جدا بدأت أن هي خلاص..إيه اللي يخليني أسوق عربيتي وأنا ممكن أوفر وحتى أركب خدمة أوبر وتبقى أسهل لي وأبقى مش معتمد على حد يوصلني أو حاجة. في أي وقت أفتح البرنامج وخلال خمس دقائق هيبقى عندي عربية (سيارة). فالحاجات دي كلها مع بعض قدرت أن هي فعلا تحطنا في موقف كويس جدا. أن احنا ننمو بالدرجة الكبيرة اللي احنا شفناها."
وأقامت أوبر شراكات عديدة مع هيئات محلية بينها مبادرة خريطة التحرش لتدريب السائقين بشأن مقاومة التحرش الجنسي. كما تتعاون مع مستشفى بهية بخصوص رحلات مجانية لعيادات سرطان الثدي لنشر التوعية بالمرض.
وأضاف وأكد "الأتوبيس والتاكسي وكل الحاجات دي حاجة أساسية للمجتمع المصري وأساسية للشعب المصري. فاللي احنا بنحاول نعمله أن احنا بنحاول نعمل حاجة موازية. بنحاول أن احنا نقدم خدمة بأمان مئة في المائة، خدمة مريحة جدا تقدر أن انت تطلب العربية عن طريق التليفون تبقى عندك في خلال دقائق. تقدر تعرف قبل ما تركب هتكلفك قد إيه بالضبط."
وسوف يساعد الاستثمار المقبل لأوبر على توسيع خدمات الشركة في مصر والشرق الأوسط وإطلاقها لمزيد من الخدمات.
ولمواكبة التوسع في السوق المصري تقول أوبر مصر إنها ستقدم أيضا خيار الدفع لرحلاتها من خلال بطاقات الخصم إلى جانب بطاقات الائتمان المعمول به حاليا.
