المواطن الغلبان حسن المثقف يغشي عليه من حين لأخر.وعندما يفيق لا يفهم ما حدث حوله من تغيرات ولكن أحيانا ما يجعل من يسمعه هو الذي يغشي عليه.
( كل زبائن المقهى يتحدثون عن فض اعتصام كرداسة.بينما يجلس حصاوي صامتا ).
زبون 1
الله أكبر.
زبون 2
أهو كده .
زبون 3
الحمد لله.
المثقف
(ينتبه لحالة حصاوي وهو يتنهد بحزن) سرحان في إيه يا حصاوي؟
حصاوى
في اللي بتتكلموا فيه.
المثقف
طب يا أخي ما بتقولش رأيك زينا ليه ؟ بذمتك مش عمل جريء من الداخلية؟
حصاوى
آه. بس هو مش جرئ قوي يعني.
المثقف
أشمعني؟
حصاوى
هي قافية ؟ جماعة الإخوان دخلوا كرداسة وناهيا وربطوا مع جماعة التكفيريين وسيطروا عليها وحكموا كل الأهالي اللي فيها.
المثقف
بس الأمن أقتحمها ودخل قبض علي الإرهابيين اللي فيها.
حصاوى
أولا . مش كل الإرهابيين فيهم ناس هربوا.
المثقف
وهما هيروحوا فين من الأمن ؟
حصاوى
هيروحوا في حته تانية. دا مش بعيد يعتصموا في جامعة القاهرة وغيرها
أول ما تبدأ الدراسة وخلي بالك الهربان دا بيبقي فاقد وعارف أنه لو أتمسك
تاتي هيبقي موقفه صعب شويه
المثقف
وماله هيتمسكوا تاني ونخلص منهم بعد شويه زى ما خلصنا المرة دي.
حصاوى
بعد إيه؟ بعد 35 يوم بتسميهم شويه؟
المثقف
لو رجعوا الأمن مش هيسيبهم. هيفضل وراهم ولو تلاتين مرة.
حصاوى
هو مسلسل بوليسي والمؤلف بيزود حلقاته عشان هو والممثلين يقبضوا الشيء الفلاني؟ دا مصير شعب.ومصير أمة أكبر ممكن تروح في داهية
لو التيار دا تفشي في المنطقة العربية.
المثقف
يا ريت.
حصاوى
يا ريت أزاي بقي؟ أنت أتجننت ؟
المثقف
أيوه عشان كل ما يعملوا كده في بلد عربي, البلد التاني يقف جنبه و يساعده
ويمكن بكده تتحقق الوحدة العربية.
حصاوى
قصدك أمريكا والوحدة الأوروبية يقفوا مع الإرهابيين أكتر وأكتر ما هم واقفين.
المثقف
أنت بتسفسط. أعترف أن اللي حصل في كرادسه دا عمل عظيم من الأمن.
حصاوى
ما قلناش حاجة,بس مش بعد ما ييجي ستاشر ظابط ومجند اتقتلوا ومش كده وبس دول عذبوهم وسحلوهم ومثلوا بجثثهم. دا غير أطفال عاشوا أكتر من شهر مرعوبين وعمرهم ما حينسوا اللي شافوه.. دا غير اللواء اللي أستشهد
أول أمبارح وهما بيفضوا الاعتصام.
المثقف
معلش دي ضريبة بندفعها كلنا.
حصاوى
( وهو ينهض بغضب شديد ) لأ بقي أنت ما دفعتش ضريبة زيي.
المثقف
طب هدي نفسك وقولي عشان إيه بقي؟
حصاوى
عشان واحد من اللي أتقتلوا أول مرة بعد ما أتعذب و أتسحل وقطعوا جثته
وهي حي.يبقي أخويا.
المثقف
( بتأثر) أخوك يا حصاوي؟
حصاوى
أيوه.
المثقف
معلش ما كنتش أعرف وأنت ما قولتليش.
حصاوى
وأشمعني أٌقولك أنت؟ ولا أمشي في الشوارع أصرخ وأبكي وأقول المجرمين قتلوا أخويا عشان يطبطبوا عليا ويقولوا لي البقية في حياتك؟
المثقف
بالمناسبة البقية في حياتك.
حصاوى
حياتك الباقية يا خويا.بس كنت أفضل ياخدوا لي تاري من تاني يوم ولا تالت
يوم أتقتل فيه مش بعد أكتر من شهر .قولي بقي معلش الجايات كتير وتبقي تعزيني.
المثقف
هو كان برتبة إيه؟
حصاوى
وإيه أهمية الرتبة؟ كلنا بشر. ثم هو مالوش رتبة.دا كان ماشي بالصدفة جت
فيه رصاصة.
المثقف
لا حول الله. أخوك لزم؟ شقيق يعني؟
حصاوى
لا يا سيدي لا شقيق ولا أخويا بالمرة حتى.بتكلم علي مواطن معرفوش.بس يعتبره أخويا في الوطن ولا هو ما حصلش أخ من الإخوان المجرمين عشان أحزن عليه.
( المثقف يغشي عليه )
