دخل الإعلامي أحمد موسى، في حالة فرح هيستيري، خلال تقديمه لبرنامجه "على مسئولتي"، أمس الخميس، بعد فوز النادي الأهلي على غريمه الزمالك وتتويجه ببطولة كأس السوبر، وظل يهتف "أهلي أهلي".
وأضاف "موسى": "مبروك للأهلي، ولجمهوره اللي استحمل كتير، دا الأهلي اللي أحب أشوفه، دا بطل القرن وواحد من أهم الأندية في العالم".
وتابع: "الأهلي بيعطي درس كبير جدًا في الكورة والأخلاق واحترام الخصم، اللاعيبة النهاردة رجالة وأبطال، مبروك للمهندس محمد طاهر، اللي كان هيبقى آخر يوم ليه في إدارة النادي".
واستطرد: "أنا عايز أزغرط بس مش بعرف ياريت حد يخش دلوقتي يتصل بينا ويزغرط، النهاردة ملايين حول العالم فرحوا بالأهلي، ودواء الضغط اتسحب من الصيدليات من جمهور الزمالك".
