قُطع النت ، وقُطع جاره وجار جاره وكل كليلة ، ده إيه وقف الحال ده يا ابن التت أنت ، من الصبح وجنابه نازل كح ورشح وحالة دوخة، ضاربة أسلاكه وشبابيكه وخطوطه ، حد فاهم حاجة .. ! .. حد يصلح الهباب ده ، ومجام سيدي البلاليصي لو ما اتصلح ابن الدزمة ده لقالع اسم الله على مجامك انت وهوّ وهىّ " السابوه بتاعي " ونازل ضرب على نفوخ جهازى ، ايوه ، مش راجع على اللي فى راسي ، استني يا خال صبرك شوية ، أنت مش عارف اللي فيها ، دوخة النت دي مسببة ومبيتة ، وزي ما بيقول في القانون : "ضرب إخواني علي شبكات السطوح أفضى الي نت النت " .. واشرحلي يا فصيح بترمي لإيه ؟ ، العميلة ببساطة في النملية ، تاني ألغاز .. ! ، الإخوان يا سيدي واقفين ع السطوح والابراج العالية ونازلين هزّ في شبكات واطباق النت ، يعني إيه .. ؟ يعني هزّ الشبكات ضرب النتات .
