أبشر يا مطحون أفندي جالك الفرج، حكومتك بنت الناس الكويسين، حست وسمعت وقلبها حن ورق واستجابت، قررت صرف بدل بهدلة كل طلعة شهر ع المرتب، جنابها عاشت اللحظة وصدفة في عربة مترو، يااااه على حظك يا مطحون، مسئول حكومي تعيس ساقه القدر والركوب كتف في كتف جنابك في العربة المخنوقة من زحمة الركاب ونفس العباد، جنابه حتة بسكوته، مالوش في الحشر، مالوش في الحر، مالوش في البهدلة، سعادته لم يحتمل، صرخ: جااااااي .. ليك الجنة يا مطحون، قرار واحد: تعاطفا مع المطحونين في مواصلات الزحمة والبهدلة قررنا حظرتنا: صرف بدل بهدلة بدءا من طلعة أول شروق شمس الشهر المقبل، هتافات فرح وزأطاطة: تحيا البهدلة.. عاش.. عاش بسكوته بيه نصير المطحونين.
