أذاع الكاتب الصحفي عبد الرحيم على، رئيس مجلس إدارة وتحرير "البوابة نيوز"، خلال برنامجه "الصندوق الأسود"، المذاع على فضائية "العاصمة"، مساء اليوم الأحد، مكالمة بين صفوت حجازي وحازم صلاح أبو إسماعيل.
وجاء نص المكالمة كالآتي:
حجازي: السلام عليكم
أبو إسماعيل: أهلا مرحبا وعليكم السلام ورحمة الله وبركاته
حجازي: مرحبا فضيلة الأستاذ
أبو إسماعيل:الحقيقة انتبهت متاخرا لمكالمة فاتصلت بحضرتك بس الوقت كان متاخر جدا
حجازي: معلش والله سامحني احنا كنا في رابعة قاعدين مسمعتش
أبو إسماعيل: ربنا معاكم
حجازي: ازاي حضرتك
أبو إسماعيل: الحمد لله.. طمني على الأخبار ماشية كويس
حجازي: الناس كلها بتسال عليك.. الشيخ حازم فين.. انا مش عارف أقولهم ايه.. كل الشباب الصغير بسأل عليك وبتوع حازمون
أبو إسماعيل: الفكرة.. هو أن عدم وضوح المسار شويه هو اللي مخلي الواحد مش عارف.. زي يوم 25 يناير.. انا مش عارف هما ناوين يعملوا ايه لغاية دلوقتي
حجازي: المعلومة اللي عندي.. أنه لو حصل اقتحام للقصر هنروح واللي جوا هيدبحوا وأنا نازل معايا سلاح مرخص سلاح حي وكل الناس اللي معايا بالشكل ده.. ومسألة أن يتم التنازل أو التجاوز أو أن مرسي يسقط دي مسالة يعني أن شخصيا والناس اللي معايا "دونها الرقاب"، وشباب الإخوان في "رابعة" و"النهضة" معاهم سلاح فعلا.
أبو إسماعيل: اتقبض على حد من اللي معاه سلاح
حجازي: مفيش حد اتقبض عليه خالص.. لا لا خالص
أبو إسماعيل: بيقولوا قبضوا يوم 17 على شباب في الإسكندرية من "البناء والتنمية"
حجازي: لا مفيش حاجه من دي حصلت.. الزمر قال مفيش حاجه كده
