أنت مصري إذن أنت متعوس.. قولها بالمعكوس: أنت متعوس إذن أنت مصري.. تجيبها شمال تجيبها يمين هيّ هيّ يا سيد منحوس.. خد حذرك، التعاسة من أمامك ووجع البطن جوعا من خلفك.. قدرك يا مصري، تعاسة، نحاسة، جوع.. يخربيت ده حظ.. ترتيب جنابك في مؤشر السعادة العالمي ف آخر القايمة ميه خمسة وتلاتين.. يا لها من تعاسة حمقاء.. كده الواد بشير السوداني بواب عمارتنا، أنضف، على الأقل ترتيبه ف المؤشر مقبول مية وتنمتاشر.. صحيح قيراط سعادة ولا فدان حظ.. مراسل قناة الغم "سيد تعاسة" ف حواره ع الناصية سأل مواطنا مضروبا على قفاه ماديا: تعرف إيه عن السعادة؟.. رد بعنتزة: بالنسبة لواحد مطحون زي جنابي.. السعادة دي كلمة لولبية.. عامله كده زي القرموط ف الميه كل ما تقرب وتمسكه يهرب منك.. ويضحك، ويعود المراسل ليسأل عن سبب ضحك ويرد: أصل قرموط خبط في ركبتي.. أي..
