تابع أحدث الأخبار
عبر تطبيق
وشك منحوت
على صخرة
نصها غرقان
والنص التانى
جبل
في صحرا
انت لية؟
وازاى؟
.............
امسك بايدك قلبك
المستطيل
امشى برجليك في الطين
انت مش شجرة
صورة 1
بتعيش ع الحلم
مش فيه
وتمد ببصرك
وتمد
تمد
لحد ما تجرى..
انت لية بتحس
بالشوارع
والحيطان
والكراسى
والبيوت
اغسل وشك دمك
غرقنى
فكرنى بخدود وشفايف
معرفش دلوقتى
لونها اية؟
صوررة 3
شايف التمثال منين
ولا انت..مش همك
رتوشى
وسمكى
ومكانى
وسط الميادين الكتيرة
حرك عيونك
الساكتة
وكلمنى بأى حروف
ومتسبنيش
يطوف جواية صوت الصخر
ميدوزى
استوطنت ع الأرض
لمست عنيها
الحلم
الفكرة
ولون الورد
صورة 5
بقيت ممل
اكتر من شروق الشمس
ومن غروبها
ممل
أكتر من زمن محبوس
في لوحة
أكتر من طعم لسانك
وعيونك دايما شايفة مربعات
بالأبيض والأسود
وانت
كل اللى بتعرف تعملة
تاخد خطوة لقدام