إمبارح وأنا معدية من قدام المرايا لأول مرة من 4 أيام لاحظت حاجتين أولا الطرحة متزحزحة وشعرى أبيض والحاجة التانية تخنت أوى بصراحة لقيت كيس جلورى وحطيته في شعرى وقعدت أفكر آدى مشكلة اتحلت طيب التخن أعمل فيه مش ممكن أعمل رجيم في البرد ده وجوزى لسه مورينى صورة واحدة روسية طالعة بالمايوة في التلج..لا بقى أنا لازم أفكر وبعد طاسة بطاطس محمرة وكوباية السحلب المتينة والحنة على دماغى توصلت للأفكار العبقرية دى..
1- البقلظة اللى انا فيها دى دليل على انى بنت عز ومش محرومة من حاجة مش زى البنات السحاليل اللى زى ما يكونوا طالعين من مجاعة.
2- انا طول النهار مهدودة وطالع عينيا مع العيال حجيب صحة منين لازم أعوض.
3- التخن هيبة برضه جوزك يبقى فاهم أنه ميزودش في الخناق معاكى لانك لو ريحيتى عليه ممكن يبقي شبه الرغيف الشامى.
4- مقاسك مش موجود في السوق دى ميزه مش عيب..انتى حتلبسى زى عامة الشعب برضة ؟؟!! التفصيل اتعمل مخصوص للهوانم اللى زينا.
5- مفيش حاجة اسمها بتتحشرى في الكرسى ده عيب تصنيع افتكرى محمد صبحى لما قال فكرينا نجيب كراسى تيفال يا حورية الجمعية اللى جاية حتغيرى الانتريه بواحد تيفال.
6- الولية اللى اسمها رشا جارتك اللى كل ما تشوف وشك تقولك زدتى زدتى دى ملكيش دعوة بيها ولا تعبريها دى حتموت وتتخن ومش عارفة وبتقول كده من حقدها عليكى.
7-في حاجات مينفعش نعيش من غيرها بتزود الوزن زى السحلب بذمتك ينفع نعيش من غير سحلب.؟؟
8- العيال لما تبقى مامتهم مكلبظة بيحسوا بدفء الأمومة فعلا تاخديهم في حضنك يتكنوا في ساعتها..
9-الدنيا برد وحرام احرم نفسى من الاكل دى حاجة لا انسانيه لأنها ممكن تؤدى أنه اسم الله عليا وعلى نحوا انى اتعب وساعتها مين حياخد باله من جوزى والعيال فانا دوري كأم يحتم عليا انى أضحى.
10- وده أهم سبب أنا طفسه وبجوع بس السبب ده حخليه في سرى ومش حجيب سيرته لحد.
طبعا أول ما جوزى شافنى ماشيه في الطرقه _ كان بقاله فتره ماشفنيش ما أنا مش بطلع من تحت الغطا داخله في أسبوع _ اتصدم وقالى ايه ده ؟؟؟؟ انتى كنتى بتخمرى تحت البطانيه رحت قايلاله التسع أسباب اللى فوق..بص لى من فوق لتحت وضحك اوووووووى وقالى هو سبب واحد مفيش غيره....انتى مفجوووووووعة.
1- البقلظة اللى انا فيها دى دليل على انى بنت عز ومش محرومة من حاجة مش زى البنات السحاليل اللى زى ما يكونوا طالعين من مجاعة.
2- انا طول النهار مهدودة وطالع عينيا مع العيال حجيب صحة منين لازم أعوض.
3- التخن هيبة برضه جوزك يبقى فاهم أنه ميزودش في الخناق معاكى لانك لو ريحيتى عليه ممكن يبقي شبه الرغيف الشامى.
4- مقاسك مش موجود في السوق دى ميزه مش عيب..انتى حتلبسى زى عامة الشعب برضة ؟؟!! التفصيل اتعمل مخصوص للهوانم اللى زينا.
5- مفيش حاجة اسمها بتتحشرى في الكرسى ده عيب تصنيع افتكرى محمد صبحى لما قال فكرينا نجيب كراسى تيفال يا حورية الجمعية اللى جاية حتغيرى الانتريه بواحد تيفال.
6- الولية اللى اسمها رشا جارتك اللى كل ما تشوف وشك تقولك زدتى زدتى دى ملكيش دعوة بيها ولا تعبريها دى حتموت وتتخن ومش عارفة وبتقول كده من حقدها عليكى.
7-في حاجات مينفعش نعيش من غيرها بتزود الوزن زى السحلب بذمتك ينفع نعيش من غير سحلب.؟؟
8- العيال لما تبقى مامتهم مكلبظة بيحسوا بدفء الأمومة فعلا تاخديهم في حضنك يتكنوا في ساعتها..
9-الدنيا برد وحرام احرم نفسى من الاكل دى حاجة لا انسانيه لأنها ممكن تؤدى أنه اسم الله عليا وعلى نحوا انى اتعب وساعتها مين حياخد باله من جوزى والعيال فانا دوري كأم يحتم عليا انى أضحى.
10- وده أهم سبب أنا طفسه وبجوع بس السبب ده حخليه في سرى ومش حجيب سيرته لحد.
طبعا أول ما جوزى شافنى ماشيه في الطرقه _ كان بقاله فتره ماشفنيش ما أنا مش بطلع من تحت الغطا داخله في أسبوع _ اتصدم وقالى ايه ده ؟؟؟؟ انتى كنتى بتخمرى تحت البطانيه رحت قايلاله التسع أسباب اللى فوق..بص لى من فوق لتحت وضحك اوووووووى وقالى هو سبب واحد مفيش غيره....انتى مفجوووووووعة.
