في أول كل شهر كل البيوت المصريه بتحصل فيها خناقه ثابته بتبتدى العركه بجمله انا عاوزه زياده في المصروف الفلوس مش بتكفى الخناقه دى بسمعها من المطبخ من أول أوضه عم جمعه البواب ومراته نبويه لحد شقة الاستاذ إبراهيم اللى عنده بسم الله ما شاء الله 3 معارض عربيات ومراته مدام مرفت اللى الله أكبر عليها بتشتغل في شركه بترول حتى مدام عزه اللى جوزها في الكويت ومسافر بسمعها بتتخانق وهي مشغله الكمبيوتر وبتقوله انت قاعد عندك ش حاسس بحاجه..
اذن هي مشكله عامه شامله كل الناس بكل المستويات والامكانيات بس وانا قاعده باكل في الفشار وبستعد للخناق مع جوزى افتكرت انى عمرى بسمع مدام فيفى بتتخانق ليه يا ترى ؟؟؟؟يمكن الست عندها حل طب اسالها ازاى قمت عملتلى ساندوتشين عجوه يساعدونى على التفكير ولقيت الحل جه من عند ربنا باب الشقه خبط محصل النور دفعت قاللى شقه 7 مش موجودين تدفعيلهم طبعا رحبت دى شقه فيفى الغالية..استنيت العيال نامت وجوزى نزل مع اصحابه ولبست الاسدال واتاكدت انى مش لابساه بالمشقلب وفردتين الشبشب شبه بعض برضه أول مره اروحلها لازم ابقى متشيكه ونزلت خبطت عليها..
مساء الخير عامله ايه انا رحاب جارتك اللى في الرابع
اهلا وسهلا
محصل النور سابلكم الوصل ده
ميرسى اوى طيب اتفضلى
لا مفيش داعى احسن جوزك يتضايق
لا ابدا ده نزل
طبعا دى الجمله اللى انا مستنياها رحت داخله خصوصا انى ابتديت اسقع واجوع وانتوا عارفين انى جوعى وحش
المهم اهلا وسهلا شرفتينى انا لسه عامله سحلب استنى احطلك كوبايه بينى وبينكم قلبى اتفتحلها خصوصا لم لقيتها جايبالى مج كبير ومزوده المكسرات بعد السلامات والتحيات والمدارس والتمارين والذي منه وصلنا لمصروف البيت وكنت انا خلصت السحلب فبصراحه الست حطيتلى كوبايه تانيه وجابتلى حتتين كيك كمان وده خلانى احبها اكتر واكتر المهم راحت قايلالى لا انا بطلت اتخانق على المصروف من زمااااااااان كان على لسانى اقولها ماانا عارفه بس قلت ملوش لازمه.،سالتها طيب وبتعملى ايه؟؟؟قالتلى احنا اتخانقنا أول شهر قولتله طيب امسك انت مصروف البيت وأخدت بعضى وروحت معاه كارفور وهو لسه جاى من الشغل قبل ما يتغدى...و دخلنا على الاكل قولتله انا بحتاج كيسين رز كبير وعشره مكرونه طبعا هو جعان والجعان بيشترى دايما بزياده -طبعا بينى وبين نفسى عرفت انا بشترى كتير ليه اكيد من الفجعه اللى انا فيه بما انى بجوع 48ساعه في ال24 ساعه- راحت مكمله اشترى كل اللاكل الل عينه جت عليه من أول الجبنات واللحوم والخزين لحد الحلويات وراح على الكاشيير وانا بضحك في سرى الحساب 3869 جنيه طبعا الراجل جاتله صدمه ودفع وإحنا طالعين قولتله عاوزين فلوس التمارين بتاعه الولاد والدروس وفواتير التليفون والغاز والنت لقيته بيقولى لالالالالا مليش دعوة بمصروف البيت... انا كبهير انبهرت بيها اوى خصوصا أن جوزها بطل يتخانق معاها ولما تقول له زودنى بيزودها وهو عارف انها ماسكه المصروف احسن منها..،استأذنت منها وطلعت خصوصا انها مجابتش سحلب تانى وقررت انى اطبق الموضوع على جوزى...أول ما ادانى المصروف وقال الجمله المشهوره انا نفسى اعرف بتودى الفلوس فين ؟؟؟ رحت راده بكل ثقه خلاص امسك انت المصروف راح باصص لى من فوق لتحت وقاللى انا ما امسيكش الحاجات دى قولتله لييييييييييه ورينى حتمشى البيت ازاى...قصر الكلام مسك المصروف وجالى من يومين قللى عارفه الحل الوحيد علشان المصروف يكفى ؟؟؟؟ رديت وانا ماسكه رضعه السحلب بتاعتى ايه ياترى...قاللى انك تبطلى اكل يا اطلقك..ايوه ابتديت رجييم من امبارح بالليلز
اذن هي مشكله عامه شامله كل الناس بكل المستويات والامكانيات بس وانا قاعده باكل في الفشار وبستعد للخناق مع جوزى افتكرت انى عمرى بسمع مدام فيفى بتتخانق ليه يا ترى ؟؟؟؟يمكن الست عندها حل طب اسالها ازاى قمت عملتلى ساندوتشين عجوه يساعدونى على التفكير ولقيت الحل جه من عند ربنا باب الشقه خبط محصل النور دفعت قاللى شقه 7 مش موجودين تدفعيلهم طبعا رحبت دى شقه فيفى الغالية..استنيت العيال نامت وجوزى نزل مع اصحابه ولبست الاسدال واتاكدت انى مش لابساه بالمشقلب وفردتين الشبشب شبه بعض برضه أول مره اروحلها لازم ابقى متشيكه ونزلت خبطت عليها..
مساء الخير عامله ايه انا رحاب جارتك اللى في الرابع
اهلا وسهلا
محصل النور سابلكم الوصل ده
ميرسى اوى طيب اتفضلى
لا مفيش داعى احسن جوزك يتضايق
لا ابدا ده نزل
طبعا دى الجمله اللى انا مستنياها رحت داخله خصوصا انى ابتديت اسقع واجوع وانتوا عارفين انى جوعى وحش
المهم اهلا وسهلا شرفتينى انا لسه عامله سحلب استنى احطلك كوبايه بينى وبينكم قلبى اتفتحلها خصوصا لم لقيتها جايبالى مج كبير ومزوده المكسرات بعد السلامات والتحيات والمدارس والتمارين والذي منه وصلنا لمصروف البيت وكنت انا خلصت السحلب فبصراحه الست حطيتلى كوبايه تانيه وجابتلى حتتين كيك كمان وده خلانى احبها اكتر واكتر المهم راحت قايلالى لا انا بطلت اتخانق على المصروف من زمااااااااان كان على لسانى اقولها ماانا عارفه بس قلت ملوش لازمه.،سالتها طيب وبتعملى ايه؟؟؟قالتلى احنا اتخانقنا أول شهر قولتله طيب امسك انت مصروف البيت وأخدت بعضى وروحت معاه كارفور وهو لسه جاى من الشغل قبل ما يتغدى...و دخلنا على الاكل قولتله انا بحتاج كيسين رز كبير وعشره مكرونه طبعا هو جعان والجعان بيشترى دايما بزياده -طبعا بينى وبين نفسى عرفت انا بشترى كتير ليه اكيد من الفجعه اللى انا فيه بما انى بجوع 48ساعه في ال24 ساعه- راحت مكمله اشترى كل اللاكل الل عينه جت عليه من أول الجبنات واللحوم والخزين لحد الحلويات وراح على الكاشيير وانا بضحك في سرى الحساب 3869 جنيه طبعا الراجل جاتله صدمه ودفع وإحنا طالعين قولتله عاوزين فلوس التمارين بتاعه الولاد والدروس وفواتير التليفون والغاز والنت لقيته بيقولى لالالالالا مليش دعوة بمصروف البيت... انا كبهير انبهرت بيها اوى خصوصا أن جوزها بطل يتخانق معاها ولما تقول له زودنى بيزودها وهو عارف انها ماسكه المصروف احسن منها..،استأذنت منها وطلعت خصوصا انها مجابتش سحلب تانى وقررت انى اطبق الموضوع على جوزى...أول ما ادانى المصروف وقال الجمله المشهوره انا نفسى اعرف بتودى الفلوس فين ؟؟؟ رحت راده بكل ثقه خلاص امسك انت المصروف راح باصص لى من فوق لتحت وقاللى انا ما امسيكش الحاجات دى قولتله لييييييييييه ورينى حتمشى البيت ازاى...قصر الكلام مسك المصروف وجالى من يومين قللى عارفه الحل الوحيد علشان المصروف يكفى ؟؟؟؟ رديت وانا ماسكه رضعه السحلب بتاعتى ايه ياترى...قاللى انك تبطلى اكل يا اطلقك..ايوه ابتديت رجييم من امبارح بالليلز
