ميرنا جميل: أصور "البيت بيتي" مع خالد مرعي وأتابع 3 أعمال رمضانية

قالت ميرنا جميل، إنها تشاهد مسلسل "راجعين يا هوي"، وأنها  حبيته أوي، وتشاهد ايضا "الكبير أوي والمشوار ".

وأضافت جاء ذلك خلال حوارها لبرنامج “ع اللوكيشن” مع شريف الليثي علي راديو هيتس، أنا كنت في كلية ألسن قسم " ألماني وإنجلش" بس مليش أي علاقة بدراستي، كنت بنجح بسبب المسرح، و دخلت كلية ألسن علشان ماما، هي اللي اختارتها وهي اللي اختارت " الألماني"  علشان أطلع مترجمة، و دخلت المسرح من أول يوم في الجامعة وبقيت البنت المشهورة و كنت كوميدي برضو. 

و تابعت أخدت درجات أعمال السنة كاملة في الجامعة بسبب المسرح، و حلم التمثيل بدأ معايا من أيام المدرسة و كنت برسم ديكور وأزياء المسرح، و أول مرة دخلت شارع الفن كان في مركز الأبداع الفني مع خالد جلال، وجوايا دايما حاسة ان عندي هدف وطموح والبيت كان بيدعمني. 

وعن المحطات في حياتي فأولها كانت snl، و أول مرة الناس عرفتني فيها، وكانت مفاجأة بالنسبة ليا في مسرحية " بعد الليل " مع خالد جلال، و أهم نقلة في حياتي كان دور "وردة " في مسلسل الحصان الأسود، و من أحلي المسلسلات اللي اشتغلت فيها " خفة يد " مع معتز التوني، أما نقطة التحول في حياتي كان مسلسل " ربع رومي " ، المخرج كان بيدعمنا جدًا و كانت الناس في الشارع بتنادي عليا" بليلي مراد " اسم الشخصية في المسلسل . 

واختتمت قائلة الناس اللي معايا من أول الرحلة أهلي طبعًا و ربنا دايما بيبعت لك  ناس حلوين بيدعموك و واقفين في ضهرك وده بيفرق جدًا، و بحب مسلسل " اللعبة " جدًا وفرق معايا اوي و هي فرصة حلوه أي بنت تتمناها، و حاليًا بعمل " البيت بيتي" مع خالد مرعي  وكريم عبدالعزيز ومصطفي خاطر، وهو رعب كوميدي.