أوس أوس: مراتي بتدعمني بشكل غير طبيعي وابني بيقلدني

قال الفنان محمد أسامة أوس أوس، أن بداية رحلتي لما كنت في مسرح كلية التجارة جامعة القاهرة، وكان الهدف بتاعي في بداية الرحلة إن الناس يتبسطوا ويضحكوا.

 جاء ذلك خلال حواره لبرنامج اللوكيشن والبرنامج تقديم شريف الليثي ويذاع على راديو هيتس.

وأضاف "أول مسرحية عملتها كنت بدخل 3 مرات بـ3 جمل بس، وكانت مسرحية لغة عربية، بدايتي في شارع الفن كانت في مركز الإبداع مع خالد جلال وهو وقف معايا في رحلتي واتعلمت الرقص والغناء وإلقاء الشعر، أما أول  نقلة حقيقة في حياتي كانت بعد عرض اسمه " أين أشباحي " مع أشرف عبد الباقي وخد رقمي وبعدها بشهرين عملت تياترو مصر. 

وعن أهله فقال دايما كانوا بيدعموني أمي وأبويا وأختي من أيام مسرح الجامعة لحد مسرح مصر، و بعدها اتجوزت ومراتي بتدعمني بشكل غير طبيعي وابني دايما بيقلدني، وأكتر حاجة بحبها في شخصيتي هي الرضا، ولو هوقف الطريق هيبقي علشان أتصور مع الزعيم.