حسن الرداد بعد شائعة وفاة دلال عبدالعزيز: احنا معاها ٢٤ ساعة
عبر الفنان حسن الرداد عن استياءه لما نشرته بعض المواقع الإخبارية وصفحات التواصل الاجتماعي حول وفاة الفنانة دلال عبدالعزيز، وكتب الرداد رسالة على صفحته الرسمية بموقع التواصل الاجتماعي فيسبوك قال خلالها:"
بالنسبة للمواقع الصفراء الرخيصة اللى كتبت أخبار غير صحيحة عن حماتى دلال عبد العزيز، يا ريت تحترموا نفسكم شوية، اللى بينزل اخبار غير صحيحة تخص حياة انسان عشان يعمل ترند على موقع يبقى واحد مش محترم ولا يحترم المهنة بتاعته اللي الف باء فيها وجوب تحرى الدقة".
واضاف:"احنا بقالنا شهور فى المستشفى وكلنا متواجدين مع حماتى وقاعدين قدامها ٢٤ ساعة رامى وإيمى ودنيا وانا وفجاة يجيلنا سيل مكالمات ورسائل من كل اهلنا وحبايبنا بيطمنوا.
حقيقي عايز اسال اللى كتب الخبر لو حد فينا كان بعيد وسمع الخبر ده حضرتك متخيل كان ممكن يحس بإيه او ممكن يحصل له ايه على ما يتاكد ان الخبر مش مظبوط؟، مش هقولك يا ريت يحصل فيك نفس الموقف عشان تعرف المصيبة اللى انت عملتها بس حقول لك حسبى الله ونعم الوكيل".