عمرو مصطفى لـ"محمد رمضان": أحذرك من إقحام اسم مصر في أزماتك
هاجم المطرب والملحن عمرو مصطفى الفنان محمد رمضان بعد الفيديو الذي نشره رمضان على حسابه بموقع التواصل الاجتماعي "إنستجرام" بشأن الحجز على أمواله حيث قال مصطفى: "انا خوضت مشكلات كتيرة جدًا ملهاش قيمة في برنامج العرافة رمضان اللي فات طلعت وقدمت نصيحة لمحمد رمضان انه يستفاد بتجربتي ويبطل مشكلات لكن للأسف النهاردة اتفاجئت انه بيقحم اسم "مصر" في مشكلاته الشخصية عن طريق محاولة قلب الحقائق بفيديو يخص مشكلته " الشخصية " في التحفظ على امواله".
وتابع مصطفى من خلال حسابه على موقع التواصل الاجتماعي "فيس بوك": "غير تلميحاته بأن "مصر واهلها" لو محتاجة فلوسي يتفضلوا انا جاهز !!...... لا يا رمضان مصر واهلها مش في حاجة لفلوسك ولا لفلوس اي حد... بعد اذنك حل مشاكلك الشخصية من غير ماتدخل اسم بلدي في ازماتك... والجمهور المصري إلى انت بتخاطبه بمشكلة شخصيه ده جمهور واعي جدًا وينتمي لمصر اولًا قبل محمد رمضان أو اي فنان آخر الولاء الأول والأخير لمصر وانا كشخص من القوة الناعمة اللي بتمثل مصر واجبي اني احذرك من اقحام اسم بلدي في ازماتك وواجبي اني اغير على بلدي انا واي حد بيحب البلد دي".