بدرية طلبة ترد على منتقديها من متابعي فيس بوك
ردت الفنانة بدرية طلبة على عدد من متابعيها على صفحتها الرسمية بفيس بوك منتقدة تعليقاتهم على منشوراتها.
كتبت طلبة، رسالة على صفحتها قالت خلالها: "المحترم بيبان من تعليقاته لو انت عايز تقول رأيك أو تنتقد حد انتقد باحترام لكن تدخل وتفرد عضلاتك يبقي متلومش على الفن والفنانين والوسط الفنى وتتكلم على الأخلاق شوف نفسك الأول يكفى انك داخل تغلط وضامن ان مش حيترد عليك لأن أخلاق الفنان متسمحش إنه يرد على متابعينه".
وتابعت: "للأسف التعليقات الخايبة يا إما من ناقص أو حاقد أو عديم التربية لأنه لو محترم حيقول رأيه بمنتهى الأدب والاحترام اللى انا مش عاجباه يلغى المتابعة انا ما اجبرتش حضرتك على متابعتى ودى صفحتى وانا حرة اقول فيها اللى يعجبنى بلاش تطفل وطبعا الكلام دا مش للمحترمين".