فيديو.. السيسي: محدش هيقدر يأخذ نقطة من مياه مصر

قال الرئيس عبد الفتاح السيسي، إن موضوع التفاوض في سد النهضة هو خيارنا الذي بدأنا به، مشيرًا إلى أن العمل العدائي قبيح ويمتد تأثيره لسنوات طويلة لأن الشعوب لا تنسى.
وأضاف الرئيس السيسي في كلمته خلال مؤتمر صحفي للوكالات الأجنبية والقنوات العربية: "أن معركتنا هي معركة تفاوض وكل يوم الرأي العام العالمي ونكسب ارض في أننا جادين في التفاوض بشكل يحقق الكسب للجميع وكل ما نطلبه هو أمر لا يخرج عن القوانين ولمعايير الدولية في التعامل مع هذه الموضوعات وهي المياه العابرة للحدود".
وتابع: "نتمنى أن نصل لاتفاق قانوني ملزم بشأن ملء وتشغيل السد" مؤكدًا: "محدش هيقدر يأخذ نقطة من مياه مصر واللي عايز يجرب يجرب، إحنا مبنهددش حد وعمرنا ما هددنا وحوارنا دايمًا رشيد وصبور جدًا محدش هيقدر ياخد نقطة مياه من مصر وإلا هيبقى في حالة عدم استقرار في المنطقة لا يتخيلها أحد".
وأكد: "محدش يتصور أنه يقدر يبقى بعيد عن قدراتنا لأ أنا عمري ما اتكلمت كده ومبهددش حد، بس مياه مصر خط أحمر ولا مساس بها، وهيبقى رد فعلنا في حالة المساس بها أمر هيأثر على استقرار المنطقة بالكامل".