بالفيديو.. محمد رمضان يوجه رسالة قاسية لـ"الجزيرة"
وجه الفنان محمد رمضان، كلمة للشباب المصري من خلال فيديو نشره عبر صفحته بموقع التواصل الاجتماعي "فيس بوك"، أكد خلاله أنه لا بد أن يقف بجانب بلده في تلك الفترة، وأنه حق بلده عليه لأنه ليس خائنا ولا قليل الأصل، مشيرًا إلى أنه عاش وسط الغلابة 22 سنة، كما وجه رسالة قاسية لقناة الجزيرة واتهمها بالكره الواضح لمصر.
وأضاف قائلًا: "أنا لو فاشل وعايش في جزر المالديف هفضل فاشل، أنا طلعت وسط الغلابة وحاسس بيهم، وأنا مش وصي عليكم ولا بقولكم اصبروا لكن بقولكم حقي عليكم كأهل بلدي مش عايز حد يشمت فينا، وأنا شايف ناس في قطر وتركيا وناس سافروا بره مصر بعد ما خدوا من خيرها هما اللي بيحركوا بعض الناس هنا زي عرايس الماريونت".
وأوضح قائلًا: "ياريت صوتنا يبقى من دماغنا، وأنا معظم عيلتي الكبيرة من الطبقة المتوسطة وصوتهم وصوتكم أكيد واصل للرئيس، لكن احنا مش بنسترجل الرجل الودني، احنا شعب مصر العظيم نصحى ومنضحكش الناس علينا، احنا أكبر من كده، احنا الرجولة وأسود الكرة الأرضية، علشان خاطري يا شعب مصر العظيم نقفل بيتنا علينا منسمعش كلام ناس مش عايشة وسطينا، حتى لو عندنا مشكلات لكن بابنا يتقفل علينا".
وفي النهاية قال: "اللي يقوللي انزل الجمعة قوله انزل أنت، ربنا رزقنا ببركة في شعبنا، ورسالتي للجزيرة والشرق دا مش حق الأخوة والعروبة عايزين إيه من مصر؟، ولو قلبكم على مصر ليه مش بتركزوا على الحاجة الوحشة، إذن انتوا بتكرهونا، وأنا رايح دلوقتي أصور أغنية "عايزنها فوضى"، أما بخصوص موضوع القصور الرئاسية بدأت اسأل وعرفت أن القصور دي بتتعمل للضيوف والزعماء من العالم اللي بيجوا يزوروا مصر في وشنا احنا أن الزعماء دول نستضيفهم ونستقبلهم حلو، واللي منقبلوش جوه بيوتنا منقبلوش في بلدنا، وكل أم مصرية تقول حسبي الله ونعم الوكيل في كل حد بيكره مصر".