أول تعليق من محمد رمضان على فبركة قناة الجزيرة لفيديوهاته
قال الفنان محمد رمضان، ردا على أكاذيب قناة الجزيرة بعد الاستعانة بأحد فيديوهات حفلاته وعرضها كأنها جانب من المظاهرات التي دعا إليها المقاول الهارب محمد على، إن جيش وشرطة مصر جزء لا يتجزأ من الشعب، معقبا: "مكنش عندي أي اهتمامات قبل دخول الجيش وكان كل اهتمامي بالجمهور".
وأضاف "رمضان"، خلال مداخلة هاتفية ببرنامج "مساء دي إم سي"، المُذاع عبر فضائية "دي إم سي"، مساء اليوم الأحد: "مفيش فيديو نزل له علاقة بالجمهور إلا وأنا حافظه"، معقبا: "شوفت الفيديو وشوفت منكر بعيني وشوفت تزوير وكان لازم أقول إن الفيديو قديم من مدة كبيرة ومش متذكر كان فين الحدث، والفيديو مالوش أي علاقة بأحداث دلوقتي نهائيا".
وتابع: "أول مرة شوفت الفيديو حد قالي من الناس اللي شغالين معايا إن قناة الجزيرة نزلت الفيديو ده، واللي أنا مستغربه إن فيه ناس قالت محمد رمضان خائن، بعد ما علقت على الفيديو، والناس دول عندهم غشاوة على أعينهم وعلى قلوبهم، أنا بقولهم دا غلط وهما مش مصدقين".