السيسي: إحنا ما بنتهزش لأن معانا ربنا
قال الرئيس عبدالفتاح السيسي، إن الإرهاب سيظل معنا سنوات طويلة "ولكن طول ما الشعب المصري متماسك سنواجه بكل قوة وتماسك لأن الشعب المصري هو صمام الأمان لهذا الوطن، معقبا: "يعني أنتوا يا مصريين عايزين الجيش والشرطة يقدموا نفسهم وحياة أبنائهم فداء للوطن، ومع ذلك الضباط يشوفوا نفسهم أنهم بيتهموا بحاجات عمرها ما تحصل، طيب ده اسمه كلام يا مصريين".
وأضاف "السيسي"، خلال جلسة "اسأل الرئيس"، ضمن فعاليات المؤتمر الوطني الثامن للشباب، أن المرحلة السابقة من عمر المصريين كانت صعبة جدا، بس إحنا ما بنتهزش، لأن إحنا معانا ربنا، والمفسدين ربنا مش معاهم، وإحنا بنحاول نصلح، مستطردا: "مش عايزين نسأل أسئلة جاوبنا عليها أكتر من 100 مرة، قولنا: إن فكرة التماسك، وإن الدولة تبقى قوية بشعبها بجميع مؤسساتها، لا يستطيع أحد أن يقدر عليها وكل المحاولات تأتي بالفشل من قبل المخربين.