أمير طعيمة يوجه رسالة شديدة اللهجة لميريام فارس
وجه الشاعر أمير طعيمة رسالة شديدة اللهجة للفنانة اللبنانية ميريام فارس عبر صفحته الشخصية بشبكة التواصل الاجتماعي الاجتماعي فيس بوك ردا على تصريحاتها على هامش فعاليات مهرجان موازين، وكتب طعيمة قائلا: "ميريام فارس، فيه نجوم عالميين كتير غنوا في مصر بعد الثورة، وأجر Yanni في حفلتي الأهرامات تخطي المليون دولار، معظم نجوم الصف الأول في لبنان أقاموا حفلات في مصر زي إليسا ونانسي وراغب وحتى العظيمة ماجدة الرومي وقائمة طويلة، وأنا وإنتي عارفين انهم بياخدوا أجر يفوقك بمراحل وانا وانتي عارفين الأرقام والفرق الكبير بينهم وبينك.
وأضاف: "إنتي مش تقيلة على مصر خالص، إنتي بس أرشيفك اللي مش تقيل كفاية عشان يبقي عليكي طلب في بلد زي مصر، فالأفضل تشتغلي على نفسك وتعملي الشغل اللي يخليكي تبقي مطلوبة في مصر بدل الحجج اللي دمها تقيل دي".
وتابع بقوله: "الله اترددت كتير قبل ما أكتب البوست ده، بس مينفعش برضه أعمل مش واخد بالي، بلاش مصر يا ميريام، إن مكانش من باب الأدب يبقى من باب الذكاء".