مصر بناسها وجيشها وكل ما فيها
قوة حق وصدق ومحدش يقدر يعاديها
مصر الموجودة ف كل زمان وكتاب
تاريخها ما يقدر ينكره حتى الكداب
مصر محدش كان قبليها!
والإرهاب الأسود دا الغاوي خراب
اللي مالوش أحباب غير بس كلاب
بيموت محروق تدفنه أراضيها
ومهما يكون
لأ مش مكن أبدا ها يكون
من عثماني تركي دموي ومجنون
عمره ما كان بيحب الخير ليها
لأ لأ كان غيرك كان واللهي أشطر
لو بس للحظة يا قرد يا شمبانزي تفكر
تيجي تقرب لحدود
حتى ولو كانت بعديها
أصلك هتشوف أسود وقفَالك ووحوش
يعرفوا إزاي آه تصدك وتحوش
واللي يقرب بخياله جنبيها
أصلها غاليه ديه أكتر وأكتر
من كدا ف السما عاليه
ديه بتملك أحلامها الجايه
بولادها وقيادتها الشغاله بتبنيها
فارجع لحدودك وبلاش يا خسيس
تتحامى بعيال أوباش بتحب تهيس
ارجع أحسن ما تموت صعلوك فيها
ديه مصر اللي اتعلمو منها الساسة سياسة
مش زيك غاوي تلعبها بحقارة ونجاسة
ولا عمرها تحتل أراضي ماهش ليها
